Kryetarja e Komisionit për organizimin dhe drejtimin e procesit të Referendumit të shkarkimit të Lulzim Bashës, Albana Vokshi, ka publikuar shifrat e fundit të votimit të anëtarve demokratë në të gjithë vendin.
Ajo ëhstë shprehur se deri më tani kanë votuar 34.105 anëtarë të Partisë Demokratike, por shtoi se në qendrat e votimit ka shumë fluks, ndaj u bëri thirrje komisionerëve që t’i mbajnë hapur këto qendra votimi derisa të votojë edhe demokrati i fundit.
“Në degën nr.1 është tentuar pengimi i votimit nga persona të porositur nga Lulzim Basha, është hedhur vaji i makinave në shkallë, ishin plastifikuar brava, dryn, çelësat, por asgjë nuk e pengon vullnetin e sovranit demokrat.
Deri më tani votimi ka qenë i qetë, ka fluks në shumë qendra votimi, ndaj dua t’i ftoj komisionerët, të mbajnë hapur qendrat e votimit derisa të votojë demokrati i fundit. Në shumë qendra votimi ëhstë tejkaluar numri i votuesve përfundimtarë të datës 13 Qershor për Lulzim Bashën”, tha Albana Vokshi.
Numri i votuesve sipas qarqqeve:
Shkodër 3660
Lezhë 2670
Kukës 1550
Dibër 1529
Durrës 4840
Tiranë 7536
Elbasan 2796
Berat 893
Korçë 2655
Fier 3415
Gjirokastër 1288
Vlorë 1273
Total 34.105