Në zgjedhjet vendore të 30 qershorit do të marrin pjesë 34 parti politike. Në KQZ ka dorëzuar kërkesën dhe partia Bindja Demokratike e kryesuar nga astrit patozit, por për shkak të mungesës së vendimit të regjistrimit në gjykatë, për këtë forcë është lënë dhe nëj afat 5 ditor për paraqitjen e dokumenteve.
34 parti politike kanë konfirmuar pjesëmarrjen në zgjedhjet vendore të 30 qershorit. Këtë të martë, KQZ ka votuar pro për 9 forca politike mes tyre ato të drejtuara nga Bamir Topi, Spartak Ngjela dhe Koço Kokëdhima.
Në momentet e fundit të afateve ligjore, dokumentet janë dorëzuar dhe nga Bindja Demokratike, e cila koordinator do të ketë ish-deputetin e PD-së, Astrit Patozi.
Por dosja e partisë më të re është ende e paplotë, pasi nuk është konfirmuar në gjykatë.
Të dhënat, sigla, statuti dhe anëtarët e kryesisë janë dorëzuar po këtë të martë në Gjykatën e Tiranës.
Megjithatë në bazë të procedurave, KQZ i ka dhënë të drejtën për të paraqitur të gjithë dokumentet brenda 5 ditëve.
Më pas vendimi për regjistrimin apo refuzimin si pjesëmarrëse në zgjedhjet vendore do të diskutohet në KQZ.
Paralelisht me përgatitjen e procesit të votimeve të 30 qershorit KQZ po vazhdon me dhënien e mandateve parlamentare, nga lista e PD u konfirmuan Artur Roshi, Zef Shtjefni dhe Nikolin Staka.
PARTITË PJESËMARRËSE NË ZGJEDHJE
Partia Socialiste e Shqipërisë Edi Rama
Partia Socialdemokrate Shqiptare Skender Gjinushi
Partia e Gjelbër Edlir Petanaj
Partia Kristian Demokrate Dhimitër Muslia
Partia Aleanca Demokristiane Zef Bushati
Partia Socialiste e Moderuar Gjergji Koja
Partia Unitetit Kombëtar Idajet Beqiri
Partia Emigracionit Shqiptar Kostaq Papa
Personat me Aftësi të Kufizuar Gjovalin Shqalshi
Partia Lëvizja Punëtore Shqiptare Genci Sakaj
Partia e të Drejtave të Mohuara Ilir Vata
Demokracia e Re Europiane Koçi Tahiri
Aleanca për Barazi dhe Drejtësi Europiane Valentino Mustaka
Partia Demokrate për Integrim dhe Prosperitet Kujtim Muça
Partia Ardhmëria Shqiptare Emin Subashi
Minoriteti Etnik Grek për të Ardhmen Kristo Kiço
Partia për Demokraci dhe Solidaritet Gaqo Apostolo
Partia për Mbrojtjen e të Drejtave të Emigrantëve Ymer Kurti
Partia Komuniste e Shqipërisë Qemal Cicollari
Partia Bashkimi Demokrat Shqiptar Ylber Valteri
Partia Ora e Shqipërisë Zef Shtjefni
Partia Bashkimi Liberal Demokrat Arian Starova
Partia për Liri, Demokraci dhe Etikë Arian Galdini
Partia Kombëtare Konservatore Kujtim Gjuzi
Partia për Mbrojtjen e te Drejtave të Puntoreve Kadri Isufaj
Fryma e Re Demokratike Bamir Topi
Lista e Barabartë Ben Blushi
Partia Zgjidhja Koço Kokëdhima
Partia Demokracia Sociale Paskal Milo
Partia Ligj dhe Drejtësi Spartak Ngjela
Partia Socialpuntore Shqiptare Ramadan Ndreka
Partia e Reformave Demokratike Krenar Rryçi
Pajtimi Kombëtar Shqiptar Spartak Dobi
Aleanca Kuq e Zi Lumturie Ratkoceri