Emisioni investigativ “BOOM”, denoncoi mbrëmjen e sotme se 3 fshatra në Mallakastër vuajnë prej 4 vitesh mungesën e ujit të pijshëm.
Në denoncimin e emisionit në fjalë tregohet me pamje sesi banorëve u duhet të bëjnë kilometra të tërë në këmbë për të siguruar ujin e pijshëm, i cili sigurohet në fshatrat përreth.
Sipas banorëve në vitin 2012 është akorduar një fond për ujësjellësin për tre fshatrat, Labulec, Lofken dhe Grançie punimet për të cilin përfunduan në vitin 2013.
Por ndonëse punimet përfunduan, ujësjellësi nuk është vënë ende në punë, dhe shkak për këtë është bërë OSHEE-ja, pasi nuk ka lidhur energjinë elektrike.
Arsyeja e moslidhjes së energjisë mësohet nga Administratori i UKT Ballsh, Domenika Bajraktari, e cila thotë se ish-bashkia e Ballshit ka patur një debi tek OSHEE dhe për këtë aryse nuk është lidhur kontrata.
Për më shumë ndiqni videodenoncimin:
https://www.facebook.com/Ora.News.RTV/videos/881756348616155/
