Këngëtari dhe oderatori i njohur Robert Aliaj, ka folur në “PolitikOn”, ku u shpreh se qyteti i Tiranës, është duke u shkatërruar në qendër, ndërkohë që pjesët e tjera periferike nuk kanë as teatro dhe as kinema.
Robert Aliaj: Tirana është një qytet që po zhvillohet dhe përveç rrugës kryesore në qendër, nuk ka më asnjë rrugë tjetër sepse rrugët përcaktohen nga boshllëqet që lanë ndërtesat pa leje. Kanë nevojë për teatër banorët që jetojnë pas fasadave në getot me 300 mijë banorë, sikurse është stacioni i trenit.
A ka nevojë që të zhvillohet kjo pjesë e qytetit? Sepse zhvillim nuk do të thotë që të shkatërrojmë atë që është në qendër dhe të bëjmë një tjetër çdo 3-4 vite. Ne duhet t’i ruajmë këto gjëra. Në qendrat historike nuk ndërton askush. Në Bruksel nuk ka asnjë ndërtesë të re, edhe pse ka më shumë se 1 milionë banorë.
Këtu kur shembet gjithçka rindërtohet sërish sikur ishte. Qyteti duhet të zhvillohet në mënyrë koherente sepse ka nevojë për kulturë edhe në pjesët e tjera të qytetit, kështu shprehet Aliaj.
