Fundi i qershorit 2019 mund të mbajë disa surpriza jo dhe aq të këndshme për ne lidhur me rënien e shkëmbinjve hapësinorë në planetin tonë: arsyeja duhet të gjendet në veçantitë e dushit të meteorëve Taurida.
Ishte një mëngjes i qetë veror në lumin Tunguska në Siberi, më 30 qershor 1908, derisa një meteor i madh shpërtheu me energjinë e një arme të madhe termonukleare, duke djegur dhe zhdukur mijëra kilometra katrorë pyje në Tokë.
Pa dyshim nuk është një ngjarje që ndodh shpesh, por fundi i qershorit 2019 mund të mbajë disa surpriza në këtë drejtim. Kjo ndodhi shumë kohë më parë në një nga vendet më pak të populluara në Tokë, por nëse një ngjarje e ngjashme ndodh sot në një zonë të populluar ose në një qytet të madh, historia do jetë krejtësisht e ndryshme, shkruan Meteoweb.
Dëmi dhe numri i të vdekurve do të jetë shumë më i lartë se ai i bombave bërthamore të hedhura në Hiroshima dhe Nagasaki.
Për fat të mirë, kjo lloj ngjarjeje është e rrallë, por në ditët e fundit të qershorit probabiliteti i ndikimeve është më i lartë, deri në atë pikë sa astronomët janë duke monitoruar pa pushim një rënie të mundshme të asteroideve në këtë periudhë. Arsyeja gjendet në dushin e meteorëve Taurida.
Ky është një dush i meteorëve që Toka e ndesh çdo vit muajt nëntor dhe qershor.
