Kryetari i Bashkisë, Erion Veliaj ka publikuar në faqen e tij në Facebook një videoklip, lidhur me rikonstruksionin e Sheshit ‘Skënderbej’.
Në klipin e shpërndarë nga Veliaj thuhet se në sheshin e ri janë mbjellë :
2 mijë e 200 pemë,
70 mijë lule
4 mijë e 500 shkurre
100 shatërvanë
11 lulishte
Por një vëzhgim elementar i Hashtag.al zbulon se projekti zyrtar për sheshin Skënderbej, shfaq shifra krejt të ndryshme nga këto që prezanton klipi promocional i Veliajt.
Në projektin zyrtar i cili gjendet ende në faqen e Bashkisë Tiranë, Tirana.al rezulton se sheshi i ri do ketë 900 pemë, dhe 35 mijë rrënjë lulesh.
Ndërsa sot, Veliaj këto shifra i ka dyfishuar. Në videon promocionale, Veliaj thotë se se janë mbjellë 2 mijë e 200 pemë dhe 70 mijë lule.
Përtej debateve publike apo skepticizmit mbi punimet në sheshin Skënderbej, ky projekt ka avantazhet dhe anët e veta pozitive.
Përshembull, parkimi nëntokësor shfryn mbingarkesat, sistemimi i disa lulishteve duket punë e paqme.
Por ‘Lali Eri’ duket se e ka refleks të pakushtëzuar manipulimin dhe ekzagjerimin.
Sepse është e pakonceptueshme që në faqen zyrtare të Bashkisë të ekzistojnë dhe projekti i sheshit por dhe videoja promocionale, me shifra dhe të dhëna krejt të ndryshme. / Hashtag.al
Projekti i prezantuar nga Bashkia Tiranë:
SHPËRNDAJE TË LUTEM! 🇦🇱👐🇦🇱👐🇦🇱10 muaj punë! 10 vjet pritje! 100 vjet Sheshi Skënderbej! 💯Të presim të Shtunën, 10 Qershor, ora 19:30 bashkë me mijëra miq e familjarë nga gjithë trevat shqiptare! Kur ne shqiptaret bëhemi bashkë, bëjmë gjera të paimagjinueshme! 👏👏#PerTiranenQeDuam#PerShqiperineQeDuam 😍🇦🇱
Gepostet von Erion Veliaj am Donnerstag, 8. Juni 2017