Efektet negative të pandemisë së Covid 19, kanë ndryshuar klimën e biznesit në qytetin bregdetar.
Ndikuar nga pandemia e koronavirusit në Sarandë janë hapur 30% biznese më pak, ndërsa në zonat larg vijës bregdetare vihet re lehtësisht mbyllja e bizneseve.
Zyrtarisht Shoqata e Operatorëve Turistik në këtë qytet nuk ka shifra për bizneset e mbyllura.
“Nuk kemi informacione në këto momente për mbylljen e bizneseve, padyshim që kemi informacione për situatën e turizmit, për ecurinë e vet dhe për kapacitetet në sa përqind luajnë referuar akomodimeve. Hotelet e vijës së parë kanë një akomodin maksimumi deri në 50 % dhe pjesa tjetër vijë e dytë,vijë e tretë kanë ndryshuar pak në krahasim me korrikun por nuk është e mjaftueshme absolutisht aq sa jemi mësuar dhe ka funksionuar sezoni”
Në Sarandë bizneset , kryesisht ato sezonale vuajnë mungesën e blerësve, që në vitet e shkuara ishin kryesisht të huaj.
