Guardia Di Finanza në bashkëpunim me Zyrën e Doganave në Itali, kanë bërë sekuestrimin e 10 mijë maskave të fytyrës në Portin e Ankonës.
Shkak për këtë sekuestrim është bërë fakti se maskat nuk kishin etiketë që të tregojë vendin e origjinës. Mediat italiane shkruajnë se maskat vinin nga Shqipëria.
“Për këtë mall nuk u tregua vendi i origjinës dhe kishin një paketim tërësisht në italisht. Por në fakt ato vinin nga Shqipëria.
Tregimi i rremë i origjinës shkaktoi konfiskimin administrativ të mallrave”, njofton policia italiane.
Hetuesit kanë thënë se fakti që për këto maska nuk u tregua vendi i origjinës, mund të cojë në mashtrimin e konsumatorëve.
Ata thanë se kjo vë në dyshim edhe cilësinë e maskave, duke shtuar se vlera e shitjes së maskave mund të shkonte në disa mijëra euro.
