Shaqiri nuk plotëson kushtet për KLSH? Meta: Aktet e mia, udhëhiqen nga interesi kombëtar

0
18
Zjarr Televizion Ad This is a sample article. ...

Presidenti Ilir Meta, i përgjigjet zërave të mazhorancës lidhur me të propozuarin e tij Bahri Shaqiri, për postin e kreut të Kontrollit të Lartë të Shtetit.

Teksa mazhoranca pretendon se Shaqiri, nuk plotëson kushtet dhe më konkretisht kriterin e përvojë profesionale financiare, Meta tha se veprimet e tij bazohen në Kushtetutë.

“Kushtetuta, interesi kombëtar dhe interesi publik janë të vetmet që udhëheqin aktet edhe parimet e mia”, u shpreh Meta.

Deklarata e tij u bë teksa vendosi lule para bustit të Ismail Qemalit në Tiranë, me rastin e 100 vjetorit të ndarjes nga jeta.

Ai u pyet edhe mbi delegimin e kompetencave të ministrit të Jashtëm nga Kryeministri Edi Rama, te zëvendës ministri Gent Cakaj, ku tha se “Nuk kam asnjë koment për organizimet e brendshme të qeverisë apo pushtetit vendor. Unë e kam shumë të qartë si President i Republikës edhe për shkak të vendimit vizionar të Gjykatës Kushtetuese se kujt institucione mund ti delegoj autoritetin kushtetues për të lidhur marrëveshjet ndërkombëtare në emër të Republikës së Shqipërisë”. 

 

Zjarr Tv Ad