SHBA në kërkim të përkrahjes ndërkombëtare pas rritjes së tensioneve me Iranin

0
5
Zjarr Televizion Ad This is a sample article. ...

Ushtruesi i detyrës së Sekretarit të Mbrojtjes në SHBA, Patrick Shanahan, tha se Uashingtoni është fokusuar për të ndërtuar mbështetje ndërkombëtare dhe për të bërë një planveprim nëse situata vazhdon të përkeqësohet, pas sulmeve në cisternat e naftës në Gjirin e Omanit për të cilat SHBA e fajëson Iranin.

“Ne duhet të bëjmë plane emergjente nëse situata do të përkeqësohet. Po ashtu na duhet të zgjerojmë mbështetjen ndërkombëtare për këtë situatë”, tha ai.

Presidenti amerikan Donald Trump e kishte akuzuar Iranin për sulmet e 13 qershorit ndaj dy cisternave të naftës.

Komentet e Trumpit vijnë një ditë pasi sekretari amerikan i Shtetit, Mike Pompeo, tha se Qeveria amerikane ka vlerësuar se “Irani është përgjegjës” për sulmet në dy cisterna – njëra norvegjeze, tjetra japoneze.

Ushtria amerikane po ashtu publikoi një video, që tregon, siç thuhet, një ekip nga patrulla e Gardës Revolucionare të Iranit duke hequr një, siç thuhet, minë të pashpërthyer nga njëra anije, pas sulmit.

Zyrtarët i thanë CNN-it se Pentagoni beson se kjo ka qenë një përpjekje e forcave iraniane për të fshehur provat e përfshirjes së tyre.

Irani e mohoi çdo lidhje me sulmet.

Zëdhënësi i Ministrisë së Jashtme të Iranit, Abbas Mousavi, i cilësoi akuzat e Uashingtonit si “alarmante” dhe tha se “akuzimi i Iranit për një incident të tillë të dyshimtë është mënyra më e thjeshtë dhe më e përshtatshme për Pompeon dhe zyrtarë të tjerë të SHBA-së”.

Askush nga ekuipazhi i dy anijeve nuk u plagos.

Gjiri i Omanit ndodhet pranë Ngushticës së Hormuzit, që është një vendkalim për gati një të tretën e gjithë naftës që tregtohet nga deti.

Kina, Bashkimi Evropian dhe disa vende të tjera kanë bërë thirrje për përmbajtje nga të gjitha anët.

Edhe Arabia Saudite ka akuzuar Iranin për sulmet. Në anën tjetër, Aboul Gheit, udhëheqës i Ligës Arabe, ka bërë thirrje ndaj Iranit për kujdes.

Muajin e kaluar, Shtetet e Bashkuara e akuzuan Iranin për sulme kundër katër cisternave të naftës pranë brigjeve të Emirateve të Bashkuara Arabe. Irani i mohoi akuzat.

 

Zjarr Tv Ad