Ish-deputeti i PD Agron Shehaj ka dhënë një intervistë për televizionin italian RAI 3.
Shehaj në intervistë theksoi se protestat e opozitës së bashkuar në Tiranë bëhen për të ndryshuar Shqipërinë dhe jo për pushtet personal.
Ja postimi i Agron Shehajt:
Gjendja e Shqipërisë është shqetësimi kryesor dhe i përditshëm i mediave serioze europiane. Dje një ekip i RAI3 ndoqi protestën e opozitës kundër kapjes së qeverisë Rama nga krimi dhe shkatërrimit të demokracisë.
Në një prononcim të shkurtër për ta, gjatë protestës, theksova tre gjëra:
Përpjekja jonë nuk është përpjekje për pushtet por për të ndryshuar rrënjësisht politikën dhe ekonominë e vendit, për t’i çliruar ato nga krimi, kundër oligarkëve dhe interesave korruptive.
Sa të jetë Edi Rama kryeministër nuk mund të ketë zgjedhje të lira, kurdo që të bëhen ato.
Drejtësia e vërtetë do të vijë kur politikanët e korruptuar dhe kriminelët nuk do të jenë më të pandëshkueshëm siç janë në regjimin e EdI Ramës, por do të dalin para drejtësisë siç del çdo qytetar i thjeshtë shqiptar!
