Ish deputeti i PD, Agron Shehaj ka reaguar lidhur me vendimin e ri të qeverisë për të vendosur një taksë të re mbi karburantet.
Teksa publikon ligjin e ri, Shehaj e quan kryeministrin Edi Rama një mashtrues, i cili po gënjen njësoj si për taksën e Rrugës së Kombit.
Sipas Shehajt, taksë apo tarifë, shqiptarët do ta paguajnë më shtrenjtë karburantin.
Postimi i plotë i Agron Shehaj:
Qeveria mashtron qytetarët duke mohuar taksën e re mbi naftën.
Ligji i ri parashikon shprehimisht që burimi financiar i agjencisë mbi menaxhimin e rezervave të naftës do të jetë: “Tarifat e krijimit dhe mbajtjes se rezervës se sigurisë që aplikohen mbi sasitë e produkteve energjetike hidrokarbure që shiten në Republikën e Shqipërisë..”
dhe “Këshilli i Ministrave, me propozimin e ministrit, vendos tarifat e përmendura në pikën 1.1..”
Rama bën lojra fjalësh. Edhe taksën prej 5 eurosh të Rrugës së Kombit e quajti tarifë por pak rëndësi ka si e quan.
E vërteta është që kemi të bëjmë me taksën e radhës për shërbime të panevojshme, që nuk ka për qëllim rritjen e cilësisë së jetës së qytetarëve por vetëm një mënyrë të re për të pasuruar veten dhe miqtë e tij oligarkë në kurriz të popullit me të varfër në Europë.
Qeveria Rama ka ndërmarrë një tjetër nismë që do të rëndojë xhepat e qytetarëve.
Nëse ky ligj hyn në fuqi atëherë çmimi i naftës do të rritet me 20 lekë për litër.
