Shtatë mitet për ISIS-in, zbulohen të pavërtetat

0
725
Zjarr Televizion Ad This is a sample article. ...

Autori i librit “Empire of Fear: Inside the Islamic State”, Andrew Hosken, nga libri i tij në formë të shkurtuar ka nxjerrë në “The Independent” 7 mitet me të cilat, sipas tij, pëfytyrohet grupi terrorist ISIS. Sipas autorit të vërtetat për ISIS-in janë shumë më shumë se njerëzit e zakonshëm dijnë realisht për grupin terrorist, transmeton Indeksonline.

1) ISIS-i është një organizatë relativisht e re terrorizmi që është rritur shpejtë, duke kulmuar me marrjen e Mosulit në vitin 2014

Aspak e vërtetë thotë Hosken. Sipas tij, grupi i ka rrënjët në vitin 2001 kur njihej me emrin si Tawid al Jihad (shq. Monoteizmi dhe Xhihadi), e madje edhe më herët kur themeluesit e grupit luftonin në Afganistan përkrah talebanëve. Që prej atëherë grupi ka ndryshuar emrin të paktën pesë herë.

2) Shpallja e Kalifatit në pjesët më të mëdha të Lindjes së Mesme në korrikun e kaluar ishte e padëgjuar deri në atë kohë

Hosken thotë se as kjo nuk qëndron. Ai thotë se grupi ka shpallur Irakun Shtet Islamik në vitin 2006. Lideri i mëpastajshëm ka qenë Abu Omar al Baghdadi, i cili e shpalli veten Kalif, dhe pretendonte të jetë i afërm me Profetin Muhamed.

3) I ashtuquajturi “Kalif” Abu Bakr al Baghdadi u radikalizua kur mbahej në burg në SHBA nga viti 2003, dhe pasi u lirua filloi të kryej sulme ekstremiste

E pamundur thotë Hosken. Sipas tij, tanimë ka prova se Baghdadi ishte një terrorist i rangut të lartë në kohën kur ai kishte rënë në burg, pasi mund të ketë luftuar në Afganistan. Poashtu, është e mundur që ai ka ndarë një shtëpi liderin e parë të grupit, Abu Musab al Zarqaw. Dhe, në kundërshtim me raportet, ai nuk është mbajtur në burgun BUCCA për pesë vite. Ai është mbajtur atje midis periudhës kohore Shkurt-Dhjetor, 2004, dhe më pas është liruar në mungesë provash.

4) Liderët e grupit janë fanatikë islamistë ekstremistë

Përsëri, kjo është një përshtypje e gabuar. Në fakt, më i rëndësishëm ka qenë ndikimi batist i ish-zyrtarëve dhe ushtarakëve të Saddam Husseinit. Sipas Hosken, një pjesë e madhe të liderëve kanë qenë ish-batist. Shteti Islamik është një kombinim i një organizate terroriste me një aparat terrori që ka përvojë të gjatë.

5) Është një organizatë kaotike dhe e dhunshme

Është e dhunshme, por ka metoda për kryerjen e mizorive. Grupi praktikon dhe respekton librin klasik 280-faqësh “The Management of Savagery” (shq. Menagjimi i Egërsisë), një libër që parasheh në detaje se si të ngritet një Shteti Islamik përmes përdorimit të dhunës ekstreme. Ky libër, poashtu, është goxha burokratik, pasi në krye parasheh Këshillin Shura, një kabinet lufte dhe nën-komitetet. Ka qeveritarë të Shtetit Islamik, apo të njohur si “walis” për territoret që kanë nën kontrollë, e madje edhe për vendet që kanë për qëllim t’i pushtojnë, si Arabia Saudite, transmeton Indeksonline. Ka edhe ministri, përfshi edhe Ministrinë për Sulme Kamikaze, dhe një bollëk komisionesh që merren me punët tjera administrative, që nga shëndetësia e deri tek burgjet dhe gjykatat. Madje, në vitin 2012 dhe 2013 Ministria për Sulme Kamikaze ka përpiluar raporte vjetore të detajizuara për të gjitha sulmet vetëvrasëse dhe të tjera. Përgjatë vitit 2013, për shembull, grupi pretendon të ketë kryer 1,083 vrasje.

 

6) Është krijuar nga Al-Qaeda

Hoskes thotë se evidencat qartësojnë se dy grupet Al-kaida dhe ISIS kanë qenë gjithmonë të ndara, që prej ditëve të para të themelimit. Liderët e parë të grupeve, Osama Bin Laden dhe Abu Musab al Zarqawi nuk kanë kaluar mirë aspak. Edhe pse ISIS për dy vite mendohet të jetë identifikuar me emrin “Al- Kaida në Irak”, kjo mendohet të ketë qenë vetëm një “martesë interesi.” Al-Kaida shpesh nuk është pajtuar me veprimet e ISIS-it, madje shpesh e ka kritikuar për shënjestrimin e muslimanëve, veçanërisht muslimanëve shia, dhe për prerjen e kokave të pengjeve nga perëndimi. Al-Qaeda vazhdimisht e ka akuzuar ISIS-in për dëmtim të Xhihadit. Në vitin 2006, lidhja midis dy grupeve u ndërpre përfundimisht me shpalljen e Shtetit Islamik në Irak. Ndërkaq, distancomi final i grupeve ndodhi në vitin 2013 me një deklaratë tjetër të shpalljes së Shtetit Islamik të Irakut dhe Sirisë (ISIS).

7) ISIS-i është një armik i ri për Perëndimin

Tërësisht ide e rreme, thotë Hoskes. Sipas tij, SHBA-ja ka qenë në luftë me grupin që nga viti 2003, gjithsej 12 vite deri tani. Sipas tij, lufta me ISIS-in është pothuajse tri herë më e gjatë se lufta kundër Japonisë dhe Gjermanisë Naziste.

Zjarr Tv Ad