Në një kohë pandemie ngrihet pikëpyetja se si do të votojnë personat e infektuar me koronavirus në zgjedhjet e 25 prillit.
Të infektuarit janë të karantinuar në shtëpitë e tyre dhe nuk mund të dalin në publik, pasi do të ishte fatale për qytetarët.
Sipas informacioneve për mediat, KQZ nuk ka asnjë kompetencë për të zgjidhur një situatë të tillë, por po shqyrtohen disa variante përfshirë edhe atë të aplikuar në Kosovë.
Sipas shifrave zyrtare, numri i personave të infektuar aktualisht është 30 mijë persona. Numër i cili mund të ulet, ose të rritet në 60 ditët në vijim.
Burime zyrtare nga KQZ shprehen se një nga variantet është që qytetarëve me të drejtë vote, të karantinuar në banesat e tyre, mund tu sigurohet votimi nga shtëpia, ku persona të veshur me veshjet e posaçme mund t´i çojnë kutitë e votimit në banesë.
