Në lindje të Sirisë, terroristët e Shtetit Islamik kanë vrarë rreth 700 pengje në vetëm dy muaj, tha sot në një deklaratë Observatori Sirian për të Drejtat e Njeriut në Britaninë e Madhe.
Sipas Observatorit, viktimat janë rreth 1,350 civilë dhe luftëtarë të mbajtur nga Shteti Islamik si pengje në një zonë afër kufirit me Irakun.
Xhihadistët kontrollojnë një zonë të vogël tokësore në lindje të lumit sirian Eufrat afër qytetit të Hadzin, ku forcat e mbështetura nga SHBA hynë në këtë muaj.
Forcat Demokratike të Sirisë (SDF) të udhëhequra nga milicia siriane (YPG) kanë luftuar me ISIS atje për disa muaj me ndihmën e forcave ajrore dhe forcat speciale amerikane. Komandanti i SDF Mazlum Kobani tha javën e kaluar për Reuters se të paktën 5,000 luftëtarë të ISIS-it janë në enklavë, mes tyre një numër i madh i luftëtarëve të huaj dhe se të gjithë duket të jenë gati të luftojnë deri në vdekje. Kalifati i vetëshpallur i shtetit islam pësoi një rrëzim për shkak të ofensivës së madhe që është kryer kundër tij përgjatë Irakut dhe Sirisë, por luftëtarët e ISIS-it ende kryejnë operacione dhe kryejnë sulme nga rajoni kufitar i shkretëtirës.
