Shefi i BE-së për Politikë të Jashtme dhe Siguri, Josep Borrell, ka përshëndetur vendimin e Qeverisë së Kosovës për shtyerjen në afat prej një muaji të reciprocitetit ndaj Serbisë për dokumentet e identifikimit dhe targat e automjeteve.
Borrell gjithashtu është shprehur se pret që barrikadat e vendosura nga serbët lokalë në dy pikat kufitare në Jarinjë dhe Bërnjak të hiqen menjëherë.
Sipas tij çështjet duhet të adresohen përmes dialogut të lehtësuar nga BE-ja.
“Mirëpresim vendimin e Kosovës për zhvendosjen e masave deri më 1 shtator. Presim që pengesat në rrugë të hiqen menjëherë. Çështjet e hapura duhet të adresohen përmes dialogut të lehtësuar nga BE-ja dhe fokusimi në normalizimin gjithëpërfshirës të marrëdhënieve ndërmjet Kosovës dhe Serbisë janë thelbësore për rrugët e tyre të integrimit në BE”, shkruan ai.
