Mbledhja e Komisionit të ligjeve është kthyer në arenë sherri mes deputetëve socialistë.
Deputeti i PS-së, Bashkim Fino i ka kërkuar të dhëna Avokatit të Shtetit, Artur Metani mbi vendimin e Gjykatës së Strasburgut për pallatin e familjarëve të Lulzim Bashës në Vlorë.
Teksa Metani e ka quajtur ‘zoti deputet’, Fino është indinjuar dhe ka kërkuar më shumë respekt.
‘Për etikë, më quajnë Bashkim Fino, jam deputet i PS-së, kam 22 vite në Parlament dhe shpresoj që siç di emrin e disa deputetëve që riashtazi kanë ardhur të rinj, dhe të cilët i vlerësove të më vlerësosh dhe mua me këtë etiketë. Vetëm për çështjen që fole, nuk kam dëshirë’, tha Fino.
Më pas sherri ka vijuar mes Finos dhe Ulsi Manjës.
‘Ti duhet të mbash qëndrim si kryetar i Komisionit për këtë gjë’, tha Fino.
Ndërsa Manja, i është përgjigjur duke i thënë se nuk është shoku i tij.
‘Gishtin mos ma drejto mua se nuk jam shoku yt unë’, tha Manja.
