Juristja Eni Çobani thotë se jeta e saj para se të niste emisionin është bërë më e cunguar dhe nuk është më si më përpara.
Në emisionin “Arnautistan” Çobani deklaroi se për shkak të prezencës mediatike, në punën e saj të avokatisë ka patur të mirat e veta, edhe pse jo gjithmonë i referohen rastet çështjes së avokatisë.
Lidhur me përgjimin e kryebashkiakut të Kukësit, Safet Gjici në zyrë, në momente intime me një vajzë, ajo tha se ngjarja ka lënë dhe tek ajo një shenjë, edhe pse nuk e ka komentuar.
“Ky rast më ka prekur, se është dhënë një shfaqje publike shumë e rëndë, e një personazhi publik që vjen nga një botë biznesi, që ka krijuar një emër, të mirë apo të keq nuk e di.
Gjëja që më ka dhembur më shumë, sinqerisht ka qenë familja. Kam menduar në moment se çfarë dëmi të parikuperueshëm kanë pësuar.
Se di në përditshmëri për ngjarje më të vogla se sa të prekura janë familjet tona. Pakujdesia për këtë pjesë më ka bërë që të mendoj shumë thellë, që kaq të këqij jemi? Kush e mori të mirën e kësaj gjëje?
Asgjë nuk bëhet rastësisht. Pas kësaj patjetër ka patur një njeri të interesuar, ka patur një njeri që ka përfituar nga kjo ngjarje.
Sigurisht që koha do bëj të vetën. Besoj se edhe zoti Gjici do jetë i interesuar që ngjarja të marrë zbardhje. E kam vlerësuar aktin e dorëheqjes.
Rezulton se asnjëra nga palët nuk ka pasur interes për ta shpërndarë, por se si doli, kjo ngre pikëpyetje”.
Sipas saj, nga gjithë ngjarja çfarë është parë, është e copëzuar dhe në mënyrë që të jepet një vlerësim duhet të shihet e gjitha.
Çobani ngriti pikëpyetje deri në momentin e shkuarjes në marrëdhënien intime në një zyrë publike.
“Edhe dhënia e tillë çon ujë në hullinë e atij apo asaj që është rekomanduar për ta bërë. Kjo nuk është një gjë rastësore.
Nuk është dhënë një gjë e plotë që kur hyri dhe deri sa doli.”
