Spanja do mbajë zgjedhjet e katërta brenda 4 viteve

0
3

Spanja do shkojë sërish në zgjedhje. Këto janë zgjedhjet e katërta në 4 vite.

Kryeministri Pedro Sanchez bëri njoftimin të martën, pasi nuk arriti të sigurojë mbështetje të mjaftueshme në parlament për të formuar një qeveri.

Mbreti Felipe VI, kreu i shtetit, kaloi dy ditë duke u konsultuar me udhëheqësit e partive rivale, por nuk gjeti konsensus për një kandidat për kryeministër.

Zgjedhjet do të zhvillohen më 10 nëntor. Ndërsa të fundit u mbajtën në prill.

Partia socialiste PSOE e Sanchez fitoi shumicën e vendeve në ato zgjedhje, por nuk mori shumicën e votave në parlament.

Kryeministri në detyrë kishte disa muaj që kërkonte të gjente një zgjidhje politike.

Partnerët e tij të preferuar, të partisë së majtë Podemos, refuzuan çdo marrëveshje për një koalicion zyrtar.

Gazeta El País raportoi se përpjekjet për të arritur një marrëveshje shkuan deri në minutën e fundit.

Udhëheqësi i Podemos, Pablo Iglesias fajësoi Sanchez për ngërçin, duke thënë se shfaqi arrogancë dhe përbuzje ndaj rregullave themelore të demokracisë parlamentare.