{"id":113894,"date":"2019-11-15T14:58:52","date_gmt":"2019-11-15T13:58:52","guid":{"rendered":"https:\/\/zjarr.tv\/?p=113894"},"modified":"2019-11-15T14:58:52","modified_gmt":"2019-11-15T13:58:52","slug":"rexhep-qosja-shuplake-te-forte-politikaneve-shqiptare-e-kosovare-oligarke-te-korruptuar-kur-iu-ziheni-qytetaret-ndjehen-te-pasigurt","status":"publish","type":"post","link":"https:\/\/zjarr.tv\/sq\/rexhep-qosja-shuplake-te-forte-politikaneve-shqiptare-e-kosovare-oligarke-te-korruptuar-kur-iu-ziheni-qytetaret-ndjehen-te-pasigurt\/","title":{"rendered":"Rexhep Qosja shuplak\u00eb t\u00eb fort\u00eb politikan\u00ebve shqiptar\u00eb e kosovar\u00eb: Oligark\u00eb t\u00eb korruptuar, kur iu ziheni, qytetar\u00ebt ndjehen t\u00eb pasigurt!"},"content":{"rendered":"

Akademiku dhe profesori i shquar njohur nga Kosova, Rexhep Qosja, u ka dh\u00ebn\u00eb nj\u00eb shuplak\u00eb t\u00eb fort\u00eb politikave q\u00eb po ndiqen nga dy qeverit\u00eb ajo e Shqip\u00ebris\u00eb dhe Kosov\u00ebs. Qosja ishte i ftuar n\u00eb Universitetin Aleksand\u00ebr Moisiu, ku u dekorua me titullin \u201cDoctor Honoris Causa\u201d, i akorduar nga Senati Akademik i Universitetit \u201cAleksand\u00ebr Moisiu\u201d.<\/p>\n

Akademiku fillimisht tha se po shihet se sa e se si po c\u00ebnohet e kur po rrezikohet kohezioni yn\u00eb shoq\u00ebror e mbar\u00eb komb\u00ebtar. \u201cShum\u00eb shpejt dy shtetet tona jan\u00eb shfaqur krahinorizimi dhe lokalizmi jan\u00eb paraqitur madje edhe predikuesit e krahinorizmit e t\u00eb lokalizmit, t\u00eb cil\u00ebt fjal\u00ebs centriz\u00ebm e evropocentriz\u00ebm, i v\u00ebn\u00eb parashtes\u00eb emrin e krahin\u00ebs ku jetojn\u00eb, dhe at\u00eb paragjykim t\u00eb tyren q\u00eb c\u00ebnon kohezionin mbar\u00ebkomb\u00ebtar e shpallin shtyll\u00eb kurrizore t\u00eb shoq\u00ebris\u00eb e t\u00eb kombit t\u00eb Kosov\u00ebs e t\u00eb Shqip\u00ebris\u00eb. Me ndikim c\u00ebnues t\u00eb ve\u00e7ant\u00eb ndaj kohezionit shoq\u00ebror e mbar\u00ebkomb\u00ebtar \u00ebsht\u00eb ideja e kombit Kosovar, ide me ndikim shum\u00eb dramatik rrezikues t\u00eb kohezionit shoq\u00ebror e mbar\u00ebkomb\u00ebtar. Jan\u00eb paraqitur edhe teorit\u00eb e predikuesit e k\u00ebsaj Ideje q\u00eb m\u00eb shum\u00eb c\u00ebnon kohezionin ton\u00eb, q\u00eb q\u00ebndrojn\u00eb n\u00eb institucionet politike e shkencore t\u00eb Kosov\u00ebs e t\u00eb Shqip\u00ebris\u00eb\u201d.<\/p>\n

Duke u ndalur tek aktualiteti, Qosja tha se drejtuesit politikave t\u00eb Shqip\u00ebris\u00eb dhe Kosov\u00ebs kan\u00eb krijuar klim\u00eb t\u00eb pasigurt p\u00ebr qytetar\u00ebt, t\u00eb cil\u00ebt po largohen masivisht nga vendet tona n\u00eb k\u00ebkrim t\u00eb nj\u00eb jete m\u00eb t\u00eb mir\u00eb. \u201cR\u00ebnia e klas\u00ebs s\u00eb mesme ndikon n\u00eb kohezionin mbar\u00ebkomb\u00ebtar. Ka r\u00ebn\u00eb klasa e mesme. Rendi oligarkik shum\u00eb I korruptuar n\u00eb Kosov\u00eb dhe n\u00eb Shqip\u00ebri ndarja gjithnj\u00eb e m\u00eb e shprehur e shoq\u00ebris\u00eb sipas klasave si n\u00eb Kosov\u00eb edhe n\u00eb Shqip\u00ebri e brezave, prejardhjeve dhe trajtimi i pabarabart\u00eb i dinjitetve t\u00eb njer\u00ebzve nuk ka dyshim se ka ndikim c\u00ebnues n\u00eb kohezionin ton\u00eb mbar\u00ebkomb\u00ebtar po sjell konflikti i gjat\u00eb, me asgj\u00eb i pakuptuesh\u00ebm, i \u00e7uditsh\u00ebm, i forcave politike n\u00eb Shqip\u00ebri dhe n\u00eb Kosov\u00eb.<\/p>\n

\u00cbsht\u00eb e ditur s\u00eb aty ku nuk durohen n\u00eb t\u00eb v\u00ebrtet\u00eb forcat politike q\u00eb grinden e zihen mes veti aty qytetar\u00ebt ndihen t\u00eb pasigurt dhe kjo pasiguri e dob\u00ebson lidhjen e tyre mes veti dhe lidhjen me vendin e tyre e natyrisht i nxit t\u00eb largohen prej vendi si\u00e7 po largohen. \u00cbsht\u00eb par\u00eb q\u00eb ndikim t\u00eb madh ushtron sidomos papun\u00ebsia ve\u00e7mas po ndikon papun\u00ebsia e t\u00eb rinjve e padrejt\u00ebsit\u00eb e ndryshme q\u00eb ju b\u00ebhen t\u00eb varf\u00ebrve. Korrupsioni q\u00eb sjell shum\u00eb d\u00ebshp\u00ebrim ndaj shtetit, nepotizmi q\u00eb favorizon bashk\u00ebpun\u00ebtor\u00ebt e bashk\u00ebpartiak\u00ebt n\u00eb Kosov\u00eb e n\u00eb Shqip\u00ebri dhe diskriminon t\u00eb tjer\u00ebt, mandej zhvendosjet e t\u00eb rinjve dhe shp\u00ebrfillja e krijimtaris\u00eb letrare e artistike e shkencore dhe z\u00ebvend\u00ebsimi I krijimtaris\u00eb shpirt\u00ebrore me televizione e rrjete sociale.<\/p>\n

<\/div>\n
<\/div>\n

Zgjidhja e problemit sipas akademikut, i cili shton edhe pyetjet: \u201c \u00c7ka duhet t\u00eb b\u00ebjm\u00eb n\u00eb k\u00ebt\u00eb gjendje? Kujt i takon parandalimi i k\u00ebsaj t\u00eb keqeje?\u201d I takon intelektual\u00ebve.<\/p>\n

\u201cP\u00ebrgjigja ime \u00ebsht\u00eb se roli i ve\u00e7ant\u00eb ju takon intelektual\u00ebve dhe universiteteve q\u00eb po d\u00ebgjohen gjithnj\u00eb e m\u00eb pak. Si institucione t\u00eb arsimit t\u00eb lart\u00eb universiteteve q\u00eb financohen prej shtetit e q\u00eb krijojn\u00eb mendjet e zhvillimit t\u00eb shoq\u00ebris\u00eb e t\u00eb kombit e t\u00eb shtetit, universiteteve ju takon detyr\u00eb e ve\u00e7ant\u00eb p\u00ebr t\u00eb hetuar e p\u00ebr t\u2019i treguar opinionit t\u00eb k\u00ebqijat q\u00eb d\u00ebmtojn\u00eb interesin e p\u00ebrgjithshme. K\u00ebt\u00eb detyr\u00eb e kan\u00eb universitetet tona p\u00ebr t\u00eb b\u00ebr\u00eb opinionit t\u00eb qart\u00eb e p\u00ebr t\u00eb treguar kriz\u00ebn e vlerave, t\u00eb moralit etj.\u201d<\/p>\n

Qosja u ndal tek vlera q\u00eb p\u00ebrcjell kultura e vendeve tona. \u201cSot n\u00eb k\u00ebt\u00eb shekull nuk ecet p\u00ebrpara pa u bazuar n\u00eb shkenca. Se kultura kurr\u00eb nuk mund t\u00eb jet\u00eb e kaluar. T\u00eb kaluara jan\u00eb politikat e partive. N\u00eb kushtet e ringjalljes s\u00eb nacionalizmave t\u00eb popujve t\u00eb m\u00ebdhenj e t\u00eb zhvilluar t\u00eb bashkimit europian, ne po shohim se po ringjallen ato. Ne mund t\u00eb ruajm\u00eb e t\u00eb pasurojm\u00eb identitetin komb\u00ebtar, sot e n\u00eb t\u00eb ardhmen ton\u00eb n\u00eb at\u00eb bashkim, madh\u00ebshtor q\u00eb i premton Evrop\u00ebs ardhm\u00ebri t\u00eb madhe, jo p\u00ebr vete, por p\u00ebr planetin.\u201d<\/p>\n

Prof. Dr. Rexhep Qosja u nderua me titullin e lart\u00eb me motivacionin: \u201cP\u00ebr kontribut t\u00eb shquar e shum\u00ebdimensional n\u00eb zhvillimin e kultur\u00ebs, arsimit t\u00eb lart\u00eb dhe k\u00ebrkimit shkencor n\u00eb Kosov\u00eb dhe n\u00eb mbar\u00eb bot\u00ebn shqiptare; si studiues i shquar i shkencave albanologjike; si themelues dhe drejtues i institucioneve, programeve t\u00eb studimit e organeve shkencore; si studiues i let\u00ebrsis\u00eb, n\u00eb ve\u00e7anti i let\u00ebrsis\u00eb s\u00eb Rilindjes Komb\u00ebtare Shqiptare; si historian i let\u00ebrsis\u00eb e kritik letrar; si shkrimtar, publicist e polemist; si nj\u00eb z\u00eb origjinal n\u00eb trajtimin e problemeve t\u00eb m\u00ebdha t\u00eb koh\u00ebs, bazuar vet\u00ebm n\u00eb kriterin e s\u00eb v\u00ebrtet\u00ebs; si veprimtar shoq\u00ebror e politik, si nj\u00eb nd\u00ebr intelektual\u00ebt m\u00eb t\u00eb shquar t\u00eb kombit shqiptar; si shembulli m\u00eb i mir\u00eb i akademikut, studiuesit, krijuesit e intelektualit; si Nder i Kombit\u201d.<\/p>\n

\n