{"id":122036,"date":"2020-02-14T11:17:14","date_gmt":"2020-02-14T10:17:14","guid":{"rendered":"https:\/\/zjarr.tv\/?p=122036"},"modified":"2020-02-14T11:17:14","modified_gmt":"2020-02-14T10:17:14","slug":"rama-editorial-per-euractiv-mini-shengeni-nuk-eshte-plani-b-i-ballkanit-perendimor","status":"publish","type":"post","link":"https:\/\/zjarr.tv\/sq\/rama-editorial-per-euractiv-mini-shengeni-nuk-eshte-plani-b-i-ballkanit-perendimor\/","title":{"rendered":"Rama editorial p\u00ebr Euractiv: Mini-Shengeni nuk \u00ebsht\u00eb \u2018plani B\u2019 i Ballkanit Per\u00ebndimor"},"content":{"rendered":"

Nga Edi Rama\u00a0<\/strong><\/em><\/p>\n

Ideja e nj\u00eb Shengeni rajonal p\u00ebrfshir\u00ebs si dhe bashk\u00ebpunimi mes gjasht\u00eb vendeve t\u00eb Ballkanit Per\u00ebndimor, duke u mb\u00ebshtetur n\u00eb kat\u00ebr lirit\u00eb e Bashkimit Europian, nuk z\u00ebvend\u00ebson, por p\u00ebrb\u00ebn m\u00ebnyr\u00ebn m\u00eb t\u00eb mir\u00eb p\u00ebr tu p\u00ebrgatitur p\u00ebr an\u00ebtar\u00ebsimin n\u00eb BE, shkruan Edi Rama.<\/p>\n

T\u00eb h\u00ebn\u00ebn e ardhshme (17 Shkurt), Komisioni Europian do t\u00eb zhvilloj\u00eb Konferenc\u00ebn Nd\u00ebrkomb\u00ebtare t\u00eb Donator\u00ebve p\u00ebr t\u2019i ardhur n\u00eb ndihm\u00eb Shqip\u00ebris\u00eb n\u00eb procesin e rind\u00ebrtimit pas t\u00ebrmetit t\u00eb N\u00ebntorit q\u00eb ka shkaktuar kaq shum\u00eb dhimbje n\u00eb vendin ton\u00eb. Pasi iu p\u00ebrgjigj menj\u00ebher\u00eb nevoj\u00ebs son\u00eb t\u00eb madhe p\u00ebr ndihm\u00eb n\u00eb p\u00ebrballimin e pasojave t\u00eb katastrof\u00ebs natyrore, BE p\u00ebrs\u00ebri po na del krah me bujari. Po b\u00ebjn\u00eb m\u00eb shum\u00eb se thjesht t\u2019i japin nj\u00eb dor\u00eb nj\u00eb vendi n\u00eb nevoj\u00eb, nj\u00eb vend q\u00eb, duke pasur p\u00ebrpara nj\u00eb sfid\u00eb t\u00eb madhe, gjithsesi do ta gjej\u00eb forc\u00ebn dhe vendosm\u00ebrin\u00eb p\u00ebr t\u2019ia dal\u00eb mban\u00eb. K\u00ebt\u00eb, si\u00e7 e kemi b\u00ebr\u00eb n\u00eb t\u00eb shkuar\u00ebn dhe do ta b\u00ebjm\u00eb edhe n\u00eb t\u00eb ardhmen. P\u00ebr m\u00eb tep\u00ebr, kjo nuk \u00ebsht\u00eb vet\u00ebm p\u00ebr rind\u00ebrtimin dhe rikonstruktimin, edhe pse kemi nevoj\u00eb t\u00eb ecim p\u00ebrpara me shpejt\u00ebsi duke u siguruar q\u00eb njer\u00ebzit e marrin mb\u00ebshtetjen e nevojshme dhe q\u00eb numri p\u00ebrfundimtar prej 17.000 shqiptar\u00ebsh, p\u00ebrkoh\u00ebsisht t\u00eb zhvendosur mund t\u00eb kthehen sa m\u00eb shpejt n\u00eb sht\u00ebpi t\u00eb sigurta.<\/p>\n

Thelbi i ngjarjes \u00ebsht\u00eb lidhja e pathyeshme mes BE dhe Shqip\u00ebris\u00eb, nj\u00eb lidhje q\u00eb e justifikon \u00e7do p\u00ebrpjekje p\u00ebr ta b\u00ebr\u00eb m\u00eb p\u00ebrforcuar marr\u00ebdh\u00ebnien dhe p\u00ebr t\u00eb p\u00ebrparuar n\u00eb planet tona p\u00ebr integrim. Disa e kan\u00eb p\u00ebrshkruar vendimin e vitit t\u00eb kaluar t\u00eb BE-s\u00eb p\u00ebr t\u00eb shtyr\u00eb hapjen e negociatave t\u00eb an\u00ebtar\u00ebsimit me Shqip\u00ebrin\u00eb dhe Maqedonin\u00eb e Veriut si fundi i nj\u00eb epoke dhe na k\u00ebshilluan t\u2019i planifikonim reformat tona p\u00ebrtej mantr\u00ebs s\u00eb integrimit dhe an\u00ebtar\u00ebsimit. T\u00eb tjer\u00eb u ngut\u00ebn ta p\u00ebrkufizonin munges\u00ebn e marr\u00ebveshjes mes shteteve an\u00ebtare t\u00eb BE-s\u00eb si nj\u00eb gabim historik, nj\u00eb gabim i till\u00eb q\u00eb i hap dyert nj\u00eb konkurrence t\u00eb eg\u00ebr mes fuqive t\u00eb m\u00ebdha dhe t\u00eb mesme p\u00ebr Ballkanin Per\u00ebndimor. P\u00ebr disa, \u00ebsht\u00eb e thjesht\u00eb t\u00eb ngat\u00ebrrojn\u00eb nj\u00eb penges\u00eb n\u00eb rrug\u00eb me t\u00ebrmetin, por ne shqiptar\u00ebt, q\u00eb sapo kaluam nj\u00eb eksperienc\u00eb t\u00eb till\u00eb shkat\u00ebrrimtare, mund ta dallojm\u00eb ndryshimin. N\u00ebse i q\u00ebndrojm\u00eb besnik\u00eb vlerave tona demokratike dhe misionit p\u00ebr zhvillim gjithp\u00ebrfshir\u00ebs dhe t\u00eb p\u00ebrbashk\u00ebt, nuk ka alternativ\u00eb tjet\u00ebr p\u00ebr Shqip\u00ebrin\u00eb.<\/p>\n

Ne duhet t\u00eb b\u00ebjm\u00eb pjes\u00ebn ton\u00eb, t\u00eb vazhdojm\u00eb me reformat dhe t\u00eb bindim partner\u00ebt tan\u00eb europian\u00eb q\u00eb i kemi t\u00eb gjitha kushtet p\u00ebr t\u00eb nisur negociatat p\u00ebr an\u00ebtar\u00ebsim tani dhe p\u00ebr tu b\u00ebr\u00eb pjes\u00eb e bllokut n\u00eb t\u00eb ardhmen. Ndaj t\u00eb nj\u00ebjtin mendim me miqt\u00eb tan\u00eb europian\u00eb q\u00eb procesit t\u00eb zgjerimit i duhet nj\u00eb rishikim dhe mir\u00ebpres propozimin q\u00eb b\u00ebri jav\u00ebn e kaluar Komisioni Europian p\u00ebr nj\u00eb proces an\u00ebtar\u00ebsimi m\u00eb t\u00eb besuesh\u00ebm dhe t\u00eb parashikuesh\u00ebm. Shpresoj q\u00eb shtetet an\u00ebtare t\u00eb jen\u00eb n\u00eb gjendje t\u00eb veprojn\u00eb s\u00eb bashku n\u00eb baz\u00eb t\u00eb k\u00ebtij plani t\u00eb mir\u00ebmenduar dhe ne duhet ta strukturojm\u00eb bashk\u00ebpunimin ton\u00eb sipas k\u00ebtyre standarteve t\u00eb reja. Ve\u00e7an\u00ebrisht p\u00ebrqafoj iden\u00eb e nj\u00eb suksesi q\u00eb \u00ebsht\u00eb gjithmon\u00eb e m\u00eb shp\u00ebrblyes dhe q\u00eb i jep mund\u00ebsin\u00eb shtetit kandidat t\u00eb angazhohet m\u00eb thell\u00ebsisht n\u00eb BE lidhur me \u00e7\u00ebshtje t\u00eb cilat jan\u00eb m\u00eb af\u00ebr standarteve t\u00eb p\u00ebrbashk\u00ebta. Nj\u00eb proces gradual, me reagim t\u00eb qart\u00eb dhe ku politika luan nj\u00eb rol m\u00eb t\u00eb duksh\u00ebm, pengon surprizat e pak\u00ebndshme dhe na jep parashikueshm\u00ebrin\u00eb p\u00ebr t\u00eb cil\u00ebn kemi nevoj\u00eb.<\/p>\n

Qeveria jon\u00eb do t\u00eb vazhdoj\u00eb t\u00eb punoj\u00eb ngusht\u00eb me partner\u00ebt nga BE dhe t\u00eb shqyrtoj\u00eb t\u00eb gjitha \u00e7\u00ebshtjet shqet\u00ebsuese, duke filluar nga ato q\u00eb lidhen me cil\u00ebsin\u00eb e demokracis\u00eb dhe sundimit t\u00eb ligjit. Operacioni i fundit i policis\u00eb speciale kund\u00ebr pasurive t\u00eb paligjshme t\u00eb personave q\u00eb jan\u00eb d\u00ebnuar ose hetuar p\u00ebr pjes\u00ebmarrje n\u00eb krimin e organizuar dhe krime t\u00eb r\u00ebnda gjat\u00eb tre dekadave t\u00eb fundit, \u00ebsht\u00eb vet\u00ebm fillimi i luft\u00ebs m\u00eb t\u00eb ashp\u00ebr deri m\u00eb sot kund\u00ebr krimit t\u00eb organizuar dhe korrupsionit, \u00e7ka \u00ebsht\u00eb e mundur sot p\u00ebr shkak t\u00eb reform\u00ebs n\u00eb drejt\u00ebsi s\u00eb suksesshme dhe t\u00eb vetingut t\u00eb gjyqtar\u00ebve dhe prokuror\u00ebve. Ndonj\u00ebher\u00eb, politika shqiptare b\u00ebhet e konfliktuale dhe z\u00ebnkat mund t\u00eb ndikojn\u00eb n\u00eb kredibilitetin e vendit ton\u00eb n\u00eb syt\u00eb e nd\u00ebrkomb\u00ebtar\u00ebve, por jam i sigurt\u00eb se n\u00eb nj\u00eb shoq\u00ebri ku mb\u00ebshtetja p\u00ebr BE-n\u00eb \u00ebsht\u00eb mbi 90% dhe ku nuk ka asnj\u00eb parti politike kund\u00ebr Europ\u00ebs, i kemi t\u00eb gjitha mjetet p\u00ebr t\u00eb ecur p\u00ebrpara drejt nj\u00eb q\u00ebllimi m\u00eb t\u00eb madh si\u00e7 \u00ebsht\u00eb integrimi Europian. Nuk do t\u00eb jet\u00eb e leht\u00eb dhe do t\u00eb k\u00ebrkoj\u00eb transformimin e sistemeve tona ekonomike, sociale dhe politike, si\u00e7 ka ndodhur n\u00eb vendet ish-komuniste q\u00eb i jan\u00eb bashkuar BE-s\u00eb q\u00eb nga viti 2004 e m\u00eb tej. Megjithat\u00eb, si\u00e7 na e kujtojn\u00eb shpesh burra dhe gra t\u00eb shquar, aty ku ka vullnet, gjehet edhe rruga.<\/p>\n

BE-s\u00eb nuk k\u00ebrkon vet\u00ebm stabilitet n\u00eb Ballkanin Per\u00ebndimor, por edhe pajtimin. Ideja e nj\u00eb Shengeni rajonal p\u00ebrfshir\u00ebs si dhe bashk\u00ebpunimi mes gjasht\u00eb vendeve tona bazuar n\u00eb kat\u00ebr lirit\u00eb e l\u00ebvizjes n\u00eb Bashkimin Europian (l\u00ebvizja e lir\u00eb e mallrave, kapitalit, sh\u00ebrbimit dhe forc\u00ebs s\u00eb pun\u00ebs) nuk \u00ebsht\u00eb Plani B p\u00ebr ne, as nuk \u00ebsht\u00eb \u00e7mim ngush\u00ebllimit p\u00ebr t\u2019i treguar nj\u00eb publiku t\u00eb zhg\u00ebnjyer q\u00eb mund t\u00eb sjellim rezultate. Ne na bashkon q\u00ebllimi p\u00ebr integrim Europian dhe m\u00ebnyra m\u00eb e mir\u00eb p\u00ebr t\u00eb p\u00ebrparuar drejt tij \u00ebsht\u00eb t\u00eb p\u00ebrgatitemi p\u00ebr t\u00eb n\u00eb m\u00ebnyr\u00eb aktive duke i hapur ekonomit\u00eb dhe kufijt\u00eb tan\u00eb frym\u00ebzuar nga vet\u00eb parimet themelore t\u00eb projektit Europian. Nj\u00eb Ballkan Per\u00ebndimor me lidhje me t\u00eb mira mes vendeve t\u00eb rajonit do t\u00eb integrohet m\u00eb shpejt dhe m\u00eb me sukses n\u00eb BE. Nd\u00ebrsa p\u00ebrgatitem p\u00ebr konferenc\u00ebn e jav\u00ebs q\u00eb vjen, mbetem shpres\u00ebplot\u00eb q\u00eb ky vit do t\u00eb sjell\u00eb nj\u00eb arritje madhore n\u00eb rrug\u00ebn ton\u00eb drejt Europ\u00ebs. Megjithat\u00eb, ne k\u00ebmb\u00ebngulim n\u00eb besimin ton\u00eb se asgj\u00eb nuk na pengon t\u2019i bashkohemi sa m\u00eb shpejt familjes s\u00eb madhe t\u00eb demokracive Europiane, an\u00ebtar\u00ebsim nga i cili qytetar\u00ebt tan\u00eb do t\u00eb p\u00ebrfitojn\u00eb po aq sa qytetar\u00ebt e BE-s\u00eb.<\/p>\n

\n