{"id":329683,"date":"2023-08-19T13:02:36","date_gmt":"2023-08-19T11:02:36","guid":{"rendered":"https:\/\/zjarr.tv\/?p=329683"},"modified":"2023-08-19T13:02:36","modified_gmt":"2023-08-19T11:02:36","slug":"republika-e-prokuroreve-spak-kunder-spak-ut","status":"publish","type":"post","link":"https:\/\/zjarr.tv\/sq\/republika-e-prokuroreve-spak-kunder-spak-ut\/","title":{"rendered":"Republika e Prokuror\u00ebve, SPAK \u201ckund\u00ebr\u201d SPAK-ut"},"content":{"rendered":"<p><strong>Nga Lorenc Vangjeli<\/strong><\/p>\n<p>Debati p\u00ebr ngjarjet dhe personazhet konkrete, si rregull shmang thelbin dhe ndri\u00e7on vet\u00ebm form\u00ebn, brohoret detajin dhe shuan t\u00eb t\u00ebr\u00ebn duke e \u00e7uar vet\u00eb debatin n\u00eb rrugica qorre. Dyshimet e prokuroris\u00eb p\u00ebr koncesionet n\u00eb sh\u00ebndet\u00ebsi, at\u00eb t\u00eb sterilizimit dhe me gjas\u00eb shpejt edhe at\u00eb t\u00eb Check Up-it, t\u00eb shoq\u00ebruara me nj\u00eb list\u00eb t\u00eb pandehurish, nuk b\u00ebn\u00eb p\u00ebrjashtim. T\u00eb gjith\u00eb iu sul\u00ebn me obobo emrave konkret\u00eb si gjermani pun\u00ebs dhe shmang\u00ebn dy detaje thelb\u00ebsore. Nj\u00ebri fatkeq, e tjetri i mbar\u00eb. Nj\u00ebri modern, tjetri i tradit\u00ebs.<\/p>\n<p>Aktori i par\u00eb, gjykat\u00ebsi q\u00eb firmosi masat e siguris\u00eb, edhe pse normalisht duhet t\u00eb shprehet vet\u00ebm me vendim, u soll si \u201cstar\u201d i shtypit dhe i konfirmoi medias se i ka sugjeruar prokurorit q\u00eb t\u00eb nis\u00eb hetimet dhe t\u00eb marr\u00eb t\u00eb pandehur edhe dy ish-ministra. Pothuaj n\u00eb t\u00eb nj\u00ebjt\u00ebn grack\u00eb, ndon\u00ebse m\u00eb i p\u00ebrmbajtur, ra edhe prokurori i \u00e7\u00ebshtjes.<\/p>\n<p>Aktori tjet\u00ebr, SPAK-u, p\u00ebrfundimisht e p\u00ebr her\u00eb te par\u00eb, e pa mas\u00ebn e arrestit n\u00eb burg dhe vet\u00eb burgun si mjet dhe jo si q\u00ebllim n\u00eb vetvete. Ai zbatoi p\u00ebrshkall\u00ebzimin e masave t\u00eb siguris\u00eb, ashtu sikund\u00ebr urdh\u00ebron Kodi i Procedur\u00ebs. N\u00ebse p\u00ebr t\u00eb paditurit e shumt\u00eb ky fakt nuk do t\u00eb thot\u00eb asgj\u00eb, profesionist\u00ebt e sistemit e konsiderojn\u00eb revolucion n\u00eb mend\u00ebsi. Vet\u00ebm Stalini plaste n\u00eb burg \u00e7do t\u00eb dyshuar dhe pastaj priste me kismet e pa gajret v\u00ebrtetimin e faj\u00ebsis\u00eb. Garancia e sistemit, at\u00eb q\u00eb SPAK e realizoi edhe formalisht, shenjt\u00ebron prezumimin e pafaj\u00ebsis\u00eb, derisa nuk v\u00ebrtetohet faj\u00ebsia me vendim t\u00eb form\u00ebs s\u00eb prer\u00eb. Ndryshe nga deri m\u00eb tani kur refreni ishte \u201cburg, burg, burg\u201d p\u00ebr t\u00eb gjith\u00eb, tani kolaudimi SPAK-ut, jo si s\u00ebpat\u00eb p\u00ebr t\u00eb prer\u00eb, por si bisturi p\u00ebr t\u00eb operuar, po vepron sipas parimit: M\u00eb mir\u00eb 99 fajtor\u00eb jasht\u00eb se sa nj\u00eb i pafajsh\u00ebm brenda. Duke b\u00ebr\u00eb drejt\u00ebsi edhe me kushtin q\u00eb mbas saj t\u00eb shembet gjith\u00eb bota n\u00eb Tiran\u00eb, ashtu si\u00e7 \u00ebsht\u00eb njohur deri m\u00eb tani.<\/p>\n<p>N\u00eb rastin e par\u00eb, gjykat\u00ebsi i ka dh\u00ebn\u00eb shansin e par\u00eb avokat\u00ebve t\u00eb t\u00eb dyshuarve n\u00eb proces p\u00ebr t\u00eb luajtur me kart\u00ebn e p\u00ebrjashtimit t\u00eb tij nga trupa gjykuese p\u00ebr shkak t\u00eb paragjykimit t\u00eb tij: p\u00ebrvecse n\u00eb vendim, e tha edhe publikisht. Ai \u00ebsht\u00eb ende i mir\u00ebkuptuar p\u00ebr shkak t\u00eb emocioneve t\u00eb \u00e7astit dhe presionit t\u00eb madh q\u00eb ushtrohet mbi t\u00eb, me spekt\u00ebr t\u00eb gjer\u00eb q\u00eb shkojn\u00eb q\u00eb nga interesa kriminal\u00eb, e deri tek presioni i intersave legjitime kushtetuese, si\u00e7 \u00ebsht\u00eb prezumimi i pafaj\u00ebsis\u00eb, p\u00ebrshkall\u00ebzimi i masave shtr\u00ebnguese, n\u00eb var\u00ebsi t\u00eb emocioneve t\u00eb ligjshme dhe t\u00eb paligjshme vetjake: barazia p\u00ebrpara ligjit, zbatimi i t\u00eb drejt\u00ebs si norm\u00eb dhe jo si zgjedhje e momentit duhet t\u00eb jet\u00eb \u201cstari\u201d i vet\u00ebm orientues i drejt\u00ebsis\u00eb s\u00eb re.<\/p>\n<p>N\u00eb rastin e dyt\u00eb, njer\u00ebzit e Dumanit edhe e shkruan n\u00eb njoftimin publik garancin\u00eb e t\u00eb drejt\u00ebs q\u00eb dyshimin e sheh n\u00eb dobi t\u00eb t\u00eb dyshuarit. Dhe mbi t\u00eb gjitha, dhan\u00eb shpres\u00eb se t\u00eb gjith\u00eb ata q\u00eb tremben p\u00ebr instalimin e Republik\u00ebs s\u00eb Prokuror\u00ebve, m\u00eb shum\u00eb se dashnor\u00eb t\u00eb Per\u00ebndimit, jan\u00eb viktima t\u00eb paragjykimit.<br \/>\nDo t\u00eb mjaftonte qoft\u00eb dhe kaq p\u00ebr t\u00eb kuptuar se makineria nd\u00ebshkuese e pand\u00ebshkueshm\u00ebris\u00eb \u00ebsht\u00eb koaluduar plot\u00ebsisht dhe se e nes\u00ebrmja e m\u00ebkatar\u00ebve t\u00eb shumt\u00eb t\u00eb Tiran\u00ebs, \u00ebsht\u00eb tashm\u00eb plot\u00ebsisht e varur n\u00eb litarin e holluar nga zullume vetjake.<\/p>\n<p>Gushti q\u00eb nuk \u00ebsht\u00eb mbyllur ende po d\u00ebshmon se edhe shtatori e tetori dhe shum\u00eb m\u00eb shum\u00eb m\u00eb pas, do t\u00eb jen\u00eb muaj p\u00ebrv\u00eblues p\u00ebr politik\u00ebn e djeshme e t\u00eb sotme, p\u00ebr ministra e ish-ministra, deputet\u00eb t\u00eb shumic\u00ebs e t\u00eb pakic\u00ebs, polic\u00eb q\u00eb b\u00ebjn\u00eb sikur luftojn\u00eb krimin dhe kriminel\u00eb q\u00eb policojn\u00eb komunitetin, analist\u00eb t\u00eb politik\u00ebs dhe yje t\u00eb kronik\u00ebs; madje edhe p\u00ebr gjykat\u00ebs t\u00eb lart\u00eb e prokuror\u00eb.<\/p>\n<p>Pritshm\u00ebrit\u00eb nga SPAK-u tashm\u00eb jan\u00eb maksimale, por t\u00eb ndryshme nga pik\u00ebpamje t\u00eb ndryshme. Skematikisht ato jan\u00eb kat\u00ebr.<\/p>\n<p>I pari, publiku. Shoq\u00ebria shqiptare n\u00eb p\u00ebrgjith\u00ebsi, k\u00ebrkon e pret hakmarrje e nd\u00ebshkim m\u00eb shum\u00eb sesa v\u00ebnien e drejt\u00ebsis\u00eb. Nuk ka gj\u00eb m\u00eb eksituese se t\u00eb q\u00ebnit spektator n\u00eb cirkun e jet\u00ebs kur tjetri bie n\u00eb fatkeq\u00ebsi; kur njer\u00ebzit e fuqish\u00ebm me pushtet, ata t\u00eb maj\u00ebs dhe t\u00eb ekraneve, ata q\u00eb i shihnin me zili mbas xhamave t\u00eb zinj t\u00eb imunitetit dhe brenda resorteve privat\u00eb plot diell t\u00eb Mesdheut, q\u00eb p\u00ebrcaktonin fate njer\u00ebzore dhe majmnin llogari bankare, tani ju duhet t\u00eb b\u00ebjn\u00eb llogari njer\u00ebzore me burgun. Me shum\u00eb se p\u00ebr drejt\u00ebsi nga Solomoni q\u00eb mungon ende n\u00eb Tiran\u00eb, publiku pret mitin e hakmarrjes, sipas parimit: k\u00ebtu lahen t\u00eb gjitha!<\/p>\n<p>E dyta, opozita. Ajo e sheh k\u00ebt\u00eb q\u00eb po ndodh si revansh dhe vet\u00ebplot\u00ebsim. Shum\u00eb nga dosjet q\u00eb SPAK-u po i heton, kan\u00eb qen\u00eb akuza t\u00eb saj publike. Kudo gjetk\u00eb k\u00ebto akte t\u00eb drejt\u00ebsis\u00eb do t\u00eb merrnin duartrokitje, por opozita vazhdon t\u00eb sulmoj\u00eb \u201cSKAPIN\u201d q\u00eb po kap m\u00ebkatar\u00eb. Jo thjesht se i beson g\u00ebnjeshtr\u00ebs s\u00eb saj q\u00eb SPAK kontrollohet nga Rama, por sepse e di q\u00eb po i vjen rradha. Rrethi i ngushtuar ndaj Berish\u00ebs, i vetmi politikan q\u00eb e morri d\u00ebnimin pa ju b\u00ebr\u00eb ende gjykimi, q\u00eb u nd\u00ebshkua nga angloamerikan\u00ebt, pa hyr\u00eb ende n\u00eb gjykat\u00eb shqiptare, \u201czinxhiri komandues\u201d i nj\u00eb partie politike, nj\u00eb rresht ish-ministrash apo dhe ndonj\u00eb deputet aktual i opozit\u00ebs, me gjas\u00eb do t\u00eb kuptojn\u00eb shpejt se vonesa dhe kujtesa kan\u00eb nj\u00eb raport t\u00eb cuditsh\u00ebm kur b\u00ebhet fjal\u00eb p\u00ebr drejt\u00ebsin\u00eb: n\u00eb k\u00ebt\u00eb vit t\u00eb trazuar shqiptar, ajo vonon, por nuk harron! E keqkuptuar n\u00eb thelb, opozita zyrtare nuk do t\u00eb kuptoj\u00eb, q\u00eb drejt\u00ebsia nd\u00ebshkon individin, kurse qeverisja ka p\u00ebr gjykat\u00ebs tre milion e kusur shpirtra shqiptar\u00ebsh, nj\u00eb her\u00eb n\u00eb kat\u00ebr vjet.<\/p>\n<p>I treti \u00ebsht\u00eb pushteti. Mbasi kaloi faz\u00ebn e par\u00eb t\u00eb viktimizimit \u2013 pse vet\u00ebm ne n\u00eb sh\u00ebnjest\u00ebr \u2013 ka hyr\u00eb n\u00eb faz\u00ebn e logjik\u00ebs. Pranon faktin e kryer dhe insiston n\u00eb at\u00ebsin\u00eb e reform\u00ebs duke pretenduar at\u00ebsin\u00eb e reform\u00ebs. Kjo \u00ebsht\u00eb karta fituese q\u00eb luan Rama, teksa sheh q\u00eb njer\u00ebzit e tij q\u00eb kan\u00eb par\u00eb deri m\u00eb tani der\u00ebn e SPAK-ut, jan\u00eb m\u00eb pak se ata q\u00eb do ta shohin at\u00eb n\u00eb nj\u00eb t\u00eb nes\u00ebrme t\u00eb af\u00ebrt.<\/p>\n<p>Me bindjen se \u00ebsht\u00eb m\u00eb mir\u00eb djepi bosh se me shejtan brenda, me t\u00eb gjitha gjasat, Rama do ta p\u00ebrdor\u00eb k\u00ebt\u00eb kart\u00eb si gurin e pat\u00eb t\u00eb Rilindjes s\u00eb tij t\u00eb s\u00eb kat\u00ebrt. N\u00eb t\u00eb gjitha rrethanat, p\u00ebrball\u00eb Sali Berish\u00ebs q\u00eb ai e ka si siguracion nd\u00ebrkomb\u00ebtar full casco, ai e di q\u00eb shumica e tij dhe opozita do t\u00eb ndjekin nj\u00ebra-tjetr\u00ebn si rrotat e biciklet\u00ebs, ku e mbrapmja nuk do t\u00eb dal\u00eb kurr\u00eb p\u00ebrpara.<\/p>\n<p>Po ashtu, i bindur se nje burr\u00eb n\u00eb politik\u00eb vlen sa shuma e armiqve t\u00eb tij, Rama tanim\u00eb mund t\u00eb num\u00ebroj\u00eb nj\u00eb turm\u00eb mbres\u00ebl\u00ebn\u00ebse armiqsh: q\u00eb nga ata tradicional\u00ebt e trash\u00ebguar e deri tek t\u00eb rinjt\u00eb e sapo fituar. P\u00ebr paradoks, cfar\u00eb nuk po e vret sot, do ta b\u00ebj\u00eb m\u00eb t\u00eb fort\u00eb nes\u00ebr n\u00eb nj\u00eb mandat pasardh\u00ebs.<br \/>\nI kat\u00ebrti, krimi i luksit. Njer\u00ebzit me shum\u00eb para vazhdojn\u00eb t\u00eb jetojn\u00eb me lajmet televizive nga Tirana dhe t\u00eb flejn\u00eb me vajza instagrami q\u00eb p\u00ebrfundojn\u00eb n\u00eb Dubai, t\u00eb tjer\u00eb q\u00eb kan\u00eb p\u00ebsuar metamorfoz\u00ebn e larv\u00ebs t\u00eb shnd\u00ebrruar n\u00eb flutur me ngjyra biznesi e t\u00eb tjer\u00eb akoma, q\u00eb kan\u00eb v\u00ebn\u00eb kravat\u00eb politike n\u00eb qaf\u00eb, po kuptojn\u00eb se duhet t\u00eb t\u00ebrhiqen s\u00ebrish n\u00eb kafet e katet ul\u00ebta t\u00eb periferis\u00eb. Do t\u00eb ndahen pak nga pak nga \u201cmiqt\u00eb\u201d e politik\u00ebs, nd\u00ebrsa nj\u00eb pjes\u00eb do t\u00eb paguaj\u00eb gjithmon\u00eb e m\u00eb pak p\u00ebr halle gjithmon\u00eb e m\u00eb t\u00eb m\u00ebdha koke.<\/p>\n<p>T\u00eb gjith\u00eb bashk\u00eb, edhe shoq\u00ebria shqiptare e mpir\u00eb n\u00eb nervin e saj statik: maskarenjt\u00eb kan\u00eb gjithmon\u00eb te ardhme, edhe opozita e pafuqishme, e destinuar q\u00eb k\u00ebshtu sic \u00ebsht\u00eb, do t\u00eb jet\u00eb gjithmon\u00eb nj\u00eb d\u00ebshtim elektoral, edhe pushteti q\u00eb trembet nga g\u00ebrryerja e thell\u00eb e korrupsionit, edhe bandit\u00ebt, qe pavar\u00ebsisht ngjyrave, i ngjajn\u00eb nj\u00ebri-tjetrit si pulla serie, edhe ata q\u00eb e p\u00ebrdorin urrejtjen si instrumentin e vet\u00ebm p\u00ebr t\u00eb kuptuar se cfar\u00eb po ndodh, por edhe ata q\u00eb lozin si trumcak\u00eb n\u00eb pluhur e k\u00ebrkojn\u00eb lesh edhe n\u00ebn krah\u00ebt e avion\u00ebve, konsumojn\u00eb nj\u00eb frik\u00eb e shpres\u00eb t\u00eb p\u00ebrbashk\u00ebt nj\u00ebkoh\u00ebsisht: instalimin e Republik\u00ebs s\u00eb Prokuror\u00ebve. M\u00eb e keqja, ju duket skenari m\u00eb i mir\u00eb! Shembulli i Italis\u00eb s\u00eb viteve 90-t\u00eb \u00ebsht\u00eb ai q\u00eb p\u00ebrmendin t\u00eb gjith\u00eb. E presin dhe i tremben po t\u00eb gjith\u00eb.<br \/>\nN\u00eb t\u00eb gjith\u00eb k\u00ebt\u00eb histeri kolektive Altin Dumani e t\u00eb tijt\u00eb jan\u00eb t\u00eb d\u00ebnuar t\u00eb gjejn\u00eb zgjidhjen. Pjes\u00eb e sistemit dhe jo vet\u00eb sistemi, SPAK \u00ebsht\u00eb vet\u00ebm pala e barabart\u00eb n\u00eb proces, si dhe t\u00eb pandehurit e saj q\u00eb con n\u00eb gjykat\u00eb, por q\u00eb \u00ebsht\u00eb gjykata ajo q\u00eb ndan bastin me t\u00eb lig\u00ebn dhe t\u00eb pafajshmin.<\/p>\n<p>\u00c7far\u00eb po ndodh tani nuk \u00ebsht\u00eb thjesht fundi i dickaje, por fillimi i dickaje krejt tjet\u00ebr. Ndryshe nga sa presin optimist\u00ebt, korrupsioni do t\u00eb vijoj\u00eb t\u00eb jet\u00eb bashk\u00ebjetuesi tradh\u00ebtar i demokracis\u00eb edhe sikur kodi penal te priste me hanxhar cdo dor\u00eb q\u00eb prek parat\u00eb publike dhe sikur t\u00eb realizohej maksimalisht pritshmeria q\u00eb dora e drejt\u00ebsis\u00eb t\u00eb pastronte cdo qindarke t\u00eb vjedhur nga xhepat e zyrtar\u00ebve. Sh\u00ebrrimi relativ vjen duke kuruar shkakun dhe jo duke u marr\u00eb me pasojat. Shkaku q\u00eb lindi pand\u00ebshkueshm\u00ebrin\u00eb ishte politika, por po politika \u201cshpiku\u201d mjetin q\u00eb t\u00eb nd\u00ebshkohet kur m\u00ebkaton q\u00eb n\u00eb momentin kur Rama u b\u00eb i pari kryeminist\u00ebr q\u00eb hoqi dor\u00eb nga pushteti i ekzekutivit mbi pushtetin e drejt\u00ebsis\u00eb.<\/p>\n<p>Esht\u00eb koha p\u00ebr t\u00eb kuptuar se e shkuara \u00ebsht\u00eb gjithashtu histori e t\u00eb ardhmes dhe se n\u00eb t\u00eb ardhmen, ndryshe nga sa kan\u00eb filluar t\u00eb tremben n\u00eb kryeqytet, Republika e Prokuror\u00ebve, nuk ka vend n\u00eb Tiran\u00eb. Kush ka nevoj\u00eb p\u00ebr m\u00eb shum\u00eb garanci, mjafton t\u00eb lexoj\u00eb \u201cnjoftimin\u201d q\u00eb firmos\u00ebn njer\u00ebzit e Altin Dumanit: \u201cSqarim: Gjithkush prezumohet i pafajsh\u00ebm derisa nuk v\u00ebrtetohet faj\u00ebsia e tij me vendim t\u00eb form\u00ebs s\u00eb prer\u00eb\u201d! Pjesa tjet\u00ebr \u00ebsht\u00eb vet\u00ebm gallat\u00eb kasap\u00ebsh q\u00eb rekomandojn\u00eb receta vegjetariane. Dhe debati q\u00eb nuk mbaron, debati ku triumfon forma dhe thelbi harrohet, ku naiv\u00ebt e shumt\u00eb flasin p\u00ebr emra dhe t\u00eb mencurit e pakt\u00eb mezi d\u00ebgjohen kur p\u00ebrmendin parime, \u00ebsht\u00eb vet\u00ebm efekt an\u00ebsor dhe ndotje estetike i nj\u00eb ambienti t\u00eb trembur. Me shtyll\u00eb kurrizore t\u00eb thyer dhe palc\u00eb t\u00eb munguar n\u00eb t\u00eb.<\/p>\n","protected":false},"excerpt":{"rendered":"<p>Nga Lorenc Vangjeli Debati p\u00ebr ngjarjet dhe personazhet konkrete, si rregull shmang thelbin dhe ndri\u00e7on vet\u00ebm form\u00ebn, brohoret detajin dhe shuan t\u00eb t\u00ebr\u00ebn duke e \u00e7uar vet\u00eb debatin n\u00eb rrugica qorre. Dyshimet e prokuroris\u00eb p\u00ebr koncesionet n\u00eb sh\u00ebndet\u00ebsi, at\u00eb t\u00eb sterilizimit dhe me gjas\u00eb shpejt edhe at\u00eb t\u00eb Check Up-it, t\u00eb shoq\u00ebruara me nj\u00eb list\u00eb [&hellip;]<\/p>\n","protected":false},"author":2037,"featured_media":304283,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[241,364,5380,231,1454,235],"tags":[],"class_list":{"0":"post-329683","1":"post","2":"type-post","3":"status-publish","4":"format-standard","5":"has-post-thumbnail","7":"category-aktualitet","8":"category-koment-opinion","9":"category-kryesore","10":"category-lajme","11":"category-politike","12":"category-vendi"},"_links":{"self":[{"href":"https:\/\/zjarr.tv\/sq\/wp-json\/wp\/v2\/posts\/329683","targetHints":{"allow":["GET"]}}],"collection":[{"href":"https:\/\/zjarr.tv\/sq\/wp-json\/wp\/v2\/posts"}],"about":[{"href":"https:\/\/zjarr.tv\/sq\/wp-json\/wp\/v2\/types\/post"}],"author":[{"embeddable":true,"href":"https:\/\/zjarr.tv\/sq\/wp-json\/wp\/v2\/users\/2037"}],"replies":[{"embeddable":true,"href":"https:\/\/zjarr.tv\/sq\/wp-json\/wp\/v2\/comments?post=329683"}],"version-history":[{"count":1,"href":"https:\/\/zjarr.tv\/sq\/wp-json\/wp\/v2\/posts\/329683\/revisions"}],"predecessor-version":[{"id":329684,"href":"https:\/\/zjarr.tv\/sq\/wp-json\/wp\/v2\/posts\/329683\/revisions\/329684"}],"wp:featuredmedia":[{"embeddable":true,"href":"https:\/\/zjarr.tv\/sq\/wp-json\/wp\/v2\/media\/304283"}],"wp:attachment":[{"href":"https:\/\/zjarr.tv\/sq\/wp-json\/wp\/v2\/media?parent=329683"}],"wp:term":[{"taxonomy":"category","embeddable":true,"href":"https:\/\/zjarr.tv\/sq\/wp-json\/wp\/v2\/categories?post=329683"},{"taxonomy":"post_tag","embeddable":true,"href":"https:\/\/zjarr.tv\/sq\/wp-json\/wp\/v2\/tags?post=329683"}],"curies":[{"name":"wp","href":"https:\/\/api.w.org\/{rel}","templated":true}]}}