{"id":37258,"date":"2017-09-04T19:56:18","date_gmt":"2017-09-04T17:56:18","guid":{"rendered":"http:\/\/zjarr.tv\/?p=37258"},"modified":"2017-09-04T19:56:18","modified_gmt":"2017-09-04T17:56:18","slug":"vrasja-e-gjyqtares-hafizi-presidenti-meta-ndermerr-kater-nisma","status":"publish","type":"post","link":"https:\/\/zjarr.tv\/sq\/vrasja-e-gjyqtares-hafizi-presidenti-meta-ndermerr-kater-nisma\/","title":{"rendered":"Vrasja e gjyqtares Hafizi, presidenti Meta nd\u00ebrmerr kat\u00ebr nisma"},"content":{"rendered":"

Presideti Meta ka reaguar n\u00eb lidhje me vrasjen e gjyqtares Fildes Hafizi dhe p\u00ebr k\u00ebt\u00eb shkak ka marr\u00eb edhe kat\u00ebr nisma.<\/p>\n

N\u00eb cil\u00ebsin\u00eb e Presidentit t\u00eb Republik\u00ebs, t\u00eb kompetencave q\u00eb m\u00eb njohin Kushtetuta dhe legjislacioni n\u00eb fuqi, po b\u00ebj publike k\u00ebto nisma:<\/p>\n

    \n
  1. Duke qen\u00eb se deri n\u00eb ngritjen e K\u00ebshillit t\u00eb Lart\u00eb Gjyq\u00ebsor, ushtroj funksionin e Kryetarit t\u00eb KLD, kam k\u00ebrkuar nga KLD dhe Inspektorati i saj, q\u00eb n\u00eb p\u00ebrputhje me kompetencat q\u00eb iu njeh legjislacioni n\u00eb fuqi, t\u00eb fillojn\u00eb nj\u00eb procedur\u00eb p\u00ebr verifikimin e vendimit t\u00eb marr\u00eb nga Gjykata e Kavaj\u00ebs, m\u00eb 28 prill 2016, ndaj shtetasit Fadil Kasemi.<\/li>\n<\/ol>\n
      \n
    1. Gjithashtu kam k\u00ebrkuar t\u00eb p\u00ebrfshihet n\u00eb rendin e dit\u00ebs t\u00eb mbledhjes m\u00eb t\u00eb par\u00eb t\u00eb KLD, nj\u00eb raportim mbi ndjekjen e detyrave t\u00eb vendosura nga ky organ, p\u00ebr procedurat q\u00eb duhet t\u00eb ndiqen nga Gjykatat, n\u00eb \u00e7\u00ebshtjet e l\u00ebshimit t\u00eb urdh\u00ebrave t\u00eb mbrojtjes, p\u00ebr viktimat e dhun\u00ebs n\u00eb familje.<\/li>\n<\/ol>\n
        \n
      1. Angazhohem q\u00eb si President n\u00eb ushtrimin e kompetenc\u00ebs kushtetuese t\u00eb ushtrimit t\u00eb s\u00eb drejt\u00ebs s\u00eb faljes, do t\u00eb zbatoj\u00eb n\u00eb g\u00ebrm\u00eb dhe n\u00eb frym\u00eb Kushtetut\u00ebn e RSH, si dhe ligjin 10 295\/2010 \u201cP\u00ebr faljen\u201d, por jo vet\u00ebm. Nj\u00eb familje e lumtur, n\u00eb mir\u00ebq\u00ebnie dhe paqe brenda saj, ka vlera t\u00eb jasht\u00ebzakonshme p\u00ebr zhvillimin e shoq\u00ebris\u00eb. Duke pasur n\u00eb konsiderat\u00eb, sa t\u00eb r\u00ebnd\u00ebsishme jan\u00eb jeta dhe sh\u00ebndeti p\u00ebr \u00e7do an\u00ebtar t\u00eb familjes, por edhe rrezikshm\u00ebrin\u00eb q\u00eb paraqesin individ\u00ebt dhunues n\u00eb familje, me q\u00ebllim dekurajimin dhe parandalimin e tyre n\u00eb kryerjen e k\u00ebtyre veprave, angazhohem q\u00eb gjat\u00eb mandatit tim presidencial, nuk do t\u00eb ushtroj t\u00eb drejt\u00ebn e faljes p\u00ebr asnj\u00eb individ t\u00eb d\u00ebnuar p\u00ebr vepra penale n\u00eb marr\u00ebdh\u00ebniet familjare (p\u00ebrfshir\u00eb k\u00ebtu por jo vet\u00ebm, nenet 79\/c, 130\/a, t\u00eb Kodit Penal). N\u00ebse p\u00ebr zbatimin e angazhimit t\u00eb m\u00ebsip\u00ebrm n\u00eb ushtrimin e t\u00eb drejt\u00ebs s\u00eb faljes, nevojiten ndryshime n\u00eb ligjin \u201cP\u00ebr faljen\u201d, k\u00ebrkoj angazhimin dhe bashk\u00ebpunimin e institucioneve t\u00eb tjera, p\u00ebr nd\u00ebrmarrjen e nism\u00ebs ligjore p\u00ebr k\u00ebt\u00eb q\u00ebllim.<\/li>\n<\/ol>\n
          \n
        1. Gjithashtu i b\u00ebj thirrje Ministris\u00eb s\u00eb Drejt\u00ebsis\u00eb si nism\u00ebtare p\u00ebr projektligjet p\u00ebr dh\u00ebnie aministie, por edhe ligjv\u00ebn\u00ebsve t\u00eb Kuvendit t\u00eb Shqip\u00ebris\u00eb, q\u00eb n\u00eb vijim n\u00eb asnj\u00eb rast n\u00eb k\u00ebto projektligje, t\u00eb mos p\u00ebrfshihen si subjekte p\u00ebrfituese t\u00eb tyre, t\u00eb d\u00ebnuarit t\u00eb cil\u00ebt kan\u00eb kryer vepra penale n\u00eb marr\u00ebdh\u00ebniet familjare.<\/li>\n<\/ol>\n

          \u00cbsht\u00eb koha p\u00ebr t\u00eb rritur bashk\u00ebpunimin dhe veprimin e t\u00eb gjith\u00eb institucioneve me q\u00ebllim nd\u00ebshkimin shembullor t\u00eb dhun\u00ebs n\u00eb familje.<\/p>\n