Nj\u00eb dit\u00eb pas marrjes s\u00eb detyr\u00ebs, sekretari amerikan i Shtetit, Mike Pompeo ka udh\u00ebtuar drejt Brukselit, p\u00ebr t\u00eb ndjekur punimet e samitit t\u00eb ministrave t\u00eb Jasht\u00ebm t\u00eb vendeve t\u00eb NATO-s. N\u00eb nj\u00eb takim me homologun turk, Pompeo ka shprehur shqet\u00ebsimin p\u00ebr blerjen e raketave ruse tok\u00eb-aj\u00ebr nga Ankaraja, duke argumentuar se nuk p\u00ebrputhen me kapacitetet mbrojt\u00ebse t\u00eb NATO-s.Nj\u00eb burim i af\u00ebrt me shefin e diplomacis\u00eb amerikane ka b\u00ebr\u00eb me dije se Pompeo i k\u00ebrkoi ministrit \u00c7avushoglu q\u00eb t\u00eb k\u00ebt\u00eb p\u00ebrpar\u00ebsi sistemet nd\u00ebroperative t\u00eb NATO-s. Gjithashtu, sekretari i Shtetit ka ngritur shqet\u00ebsimin e Uashingtonit p\u00ebr burgimin e pastorit amerikan Andre\u00eb Brunson, q\u00eb ndodhet n\u00eb nj\u00eb burg t\u00eb Turqis\u00eb q\u00eb prej dhjetorit t\u00eb vitit 2016, si dhe p\u00ebr shtetas t\u00eb tjer\u00eb amerikan\u00eb t\u00eb arrestuar.Dhjetorin e kaluar Turqia n\u00ebnshkroi nj\u00eb marr\u00ebveshje me Rusin\u00eb p\u00ebr blerjen e raketave \u201cS-400\u201d, p\u00ebr t\u00eb forcuar kapacitetet e saj ushtarake p\u00ebrball\u00eb k\u00ebrc\u00ebnimit t\u00eb militant\u00ebve kurd\u00eb dhe atyre islamik\u00eb, si dhe p\u00ebr t\u2019iu kund\u00ebrp\u00ebrgjigjur konflikteve n\u00eb Siri e Irak. Ky veprim i Ankaras\u00eb zyrtare ka shqet\u00ebsuar vendet an\u00ebtare t\u00eb NATO-s, q\u00eb nga ana tjet\u00ebr i druhen pranis\u00eb ushtarake t\u00eb Mosk\u00ebs n\u00eb Lindjen e Mesme.<\/p>\n