“Studentët nuk kanë të paguajnë tarifat, Rama hap ekspozitë”

0
31
Zjarr Televizion Ad This is a sample article. ...

Gjatë ditës së nesërme Kuvendi i Shqipërisë fillon diskutimet mbi amendamentet ligjore të paraqitura nga Lëvizja Socialiste për Integrim, reflektuese të kërkesave të studentëve.

Lidhur me këtë çështje, deputetja e LSI, Floida Kërpaçi, tha sot se amendamentet e paraqitura nga LSI në dhjetor të vitit të kaluar japin zgjidhje të menjëhershme dhe konkrete të gjitha kërkesave të studentëve, të cilët gjenden në ditën e 54 të protestës së tyre.

Sipas saj, e vërteta është se Kryeministri i ka mashtruar turpësisht studentët duke thënë se ka plotësuar kërkesat e studentëve, ndërsa ka mashtruar se ka alokuar fond për arsimin e lartë, si dhe ka mashtruar se ka rikonstruktuar godinat e konvikteve.

“Ka mashtruar përmes paktit 3D të Universitetit. Çdo veprim i deritanishëm i Kryeministrit Edi Rama ka qenë fasadë e turpshme dhe synim i errët për të shuar protestën, dhe uzurpuar mendimin e lirë në auditoret universitare dhe lirinë akademike.

Konfirmimi se kërkesat e studentëve nuk janë plotësuar dhe situata anormale në arsimin e lartë vazhdon erdhi dhe nga Asambleja e pedagogëve, të cilët jo vetëm mbështesin kërkesat e studentëve, por kanë parashikuar që edhe ata vetë të nisin një grevë nëse qeveria nuk reflekton brenda javës”, u shpreh Kërpaçi.

Ajo vijoi duke thënë se ndërkohë që studentët nuk kanë mundësi të paguajnë tarifat e larta, Kryeministri hap ekspozitë me pikturat e tij

Sipas saj, studentët nuk kanë libra, nuk kanë konvikte, duhet të kenë tualete, por Kryeministri shkon hap ekspozitë me pikturat e tij.

“Studentët nuk kanë bibliotekë, nuk kanë Kartë Studenti, por meraku më i madh i Kryeministrit është të shkojë të hapi ekspozitë”, tha në mbyllje deputetja e LSI.

Zjarr Tv Ad