Studentët preferojnë më shumë vendet e Europës për studime

0
2

Në më pak se një muaj, 2 mijë e 800 maturantë kanë nisur procedurat për të ndjekur studimet jashtë shtetit.

Europa mbetet më e preferuar për të rinjtë për mundësitë që ofron në studime dhe jetesë.

Agim Alia: Të gjithë maturantët që janë të pajisur me dokumentet e përfundimit të shkollës së mesme, me diplomat e shkollës së mesme dhe certifikatën e lëshuar nga shkolla kanë vijuar me procedurat e legalizmimit të këtyre dokumenteve në qendrën e shërbimeve arsimore. Që nga fillimi i muajit korrik dhe deri tani në qendrën e shërbimeve arsimore janë paraqitur rreth 2.800 aplikime për legalizimin e dokumenteve të lëshuara nga instititucionet e arsimit parauniversitar.

Krahasuar me një vit më parë numri i maturantëve që do të largohen është i përafërt.

Agim Alia: Krahasuar me statistikat e viteve të mëparshme, jemi pothuajse në të njëjtat shifra. Pothuajse numri është i njëjtë. Të gjithë maturantët, kandidatët që duan të vijojnë studimet në institucionet e huaja të arsimit të lartë kanë kryer legalizimet e dokumenteve.

Por ka edhe nga ata të cilët pasi përfundojnë studimet kthehen sërish në Shqipëri. Prej vitit 2017 janë kthyer rreth 1 mijë të rinj.

Agim Alia: Pjesa më e madhe janë shtetas shqiptarë që kanë kryer studimet jashtë vendit, por një pjesë e konsiderueshme janë edhe shtetas të huaj që dëshirojnë të ushtrojnë profesionin në Shqipëri. Një pjesë e madhe i përkasin sidomos profesioneve të mjekësisë, të cilët dëshirojnë të kryejnë një lloj njësimi dh emë pas të vijojnë të ushtrojnë profesionin në vendin tonë.

Për ata që ende e shohin të ardhmen në Shqipëri, aplikimet për në universitet do të nisin në fund të muajit korrik.