Avokat Spartak Ngjela shkruan për zhvillimet e fundit në Malin e Zi. Sipas tij, krijimi i shumicës nga shqiptari Dritan Abazoviç dhe mundësia reale që ai të jetë së shpejti kryeministër është një sukses i radhës për botën shqiptare.
Abazoviç ka rrëzuar qeverinë në Malin e Zi dhe ka shumicën për formimin e qeverisë së re.
“Gjithsesi, ky është një sukses i radhës drejt zhvillimit të vijueshëm të botës shqiptare në Ballkanin Perëndimor. Dhe, ky sukses, do të ecë drejt aspektesh të tjera të rritjes se ngjarjeve kombëtare, jashtë Shqipërisë dhe Kosovës, në këtë trevë gjerësisht shqiptare: sepse ngjarje të tjera të karakterit kombëtar do të vijojnë dhe po vijojnë edhe në Maqedoninë e Veriut”, shkruan ndër të tjera Spartak Ngjela.
Shënimi i plotë i avokatit:
Shqiptari Dritan Abazoviç ka krijuar shumicën për të qenë kryeministër i Malit të Zi. Kjo pritej, por në këtë rast po na jep shenjën e parë për eskalimin e mëtejshëm të shqiptarëve në Ballkanin Perëndimor. Është në lëvizje politika amerikane. Por duhet të kuptojmë se e vetmja forcë real-prëmdimore në Mal të Zi, janë shqiptarët.
Trevat e Malit të Zi janë në fakt Malcia katolike e Arbërisë. Dhe sot erdhi koha që shqiptarët të krijojnë qeverinë drejtuese të Arbërisë Veriore që quhej Malci; dhe që serbët e kthyen dhe e quajtën me emrin Mal i Zi.
Gjithsesi, ky është një sukses i radhës drejt zhvillimit të vijueshëm të botës shqiptare në Ballkanin Perëndimor. Dhe, ky sukses, do të ecë drejt aspektesh të tjera të rritjes se ngjarjeve kombëtare, jashtë Shqipërisë dhe Kosovës, në këtë trevë gjerësisht shqiptare: sepse ngjarje të tjera të karakterit kombëtar do të vijojnë dhe po vijojnë edhe në Maqedoninë e Veriut.
Ndërkohë Maqedonia e Veriut është e çliruar nga shtypja historike kundër etnisë shqiptare; dhe po shkon drejt konstatimit historik që shqiptatrët janë aty shumicë absolute. E gjithë kjo kohë po vjen; ngaqë shqiptarizmi do ta dominojë patjetër Ballkanin Perëndimor, se kjo ka qenë dhe mbetet të jetë një e vërtetë historike.
