Kryeministri i Japonisë Fumio Kishida është evakuuar i padëmtuar nga një ngjarje publike, pasi ndaj tij u hodh një bombë tymuese. Një person u ndalua në vendin e ngjarjes në Wakayama, ku Kishida do të mbante fjalim, raportuan mediat lokale.
Një dëshmitar tha se ata panë një person duke hedhur diçka, të ndjekur nga tym, ndërsa një tjetër tha se kishte dëgjuar një zhurmë të madhe. Nuk raportohet për të lënduar.
Kryeministri Fumio Kishida sapo kishte filluar të mbante një fjalim pasi vizitoi portin e peshkimit në Wakayama për një ngjarje fushate, kur bomba tymuese u hodh drejt tij dhe ai u evakua menjëherë nga truprojat, fatmirësisht i pa dëmtuar.
Sulmet e dhunshme janë jashtëzakonisht të rralla në Japoni. Por ka një nervozizëm për sigurinë rreth politikanëve, pasi ish-kryeministri Shinzo Abe u qëllua për vdekje gjatë fushatës vitin e kaluar.
Sulmohet me bombë gjatë fjalimit kryeministri i Japonisë, Fumio Kishida (VIDEO)
