Takimi me Bashën, ambasadori i BE ka një porosi për protestën e nesërme

0
19

Ambasadori i Bashkimit Europian në Tiranë, Luigi Soreca, pas takimit që pati paraditen e sotme me kryedemokratin Lulzim Basha, lidhur me vendimin e opozitës për djegien e mandateve të deputetëve, tha se liderit të opozitës iu shpjegua qëndrimi i BE.

Ai deklaroi se gjatë takimin me kreun e PD ishte shumë i qartë, duke i përsëritur nevojën për të folur dhe diskutuar.

“Mendoj se nesër është një ditë e rëndësishme, ne presim që të mos ketë dhunë në protestë dhe të ndiqen elementët demokratike”, u shpreh ambasadori.

Më herët në zyrën e Bashës, shkoi edhe ambasadorja e Gjermanisë në Tiranë, Susanne Schütz.

Këto lëvizje vijnë pasi pasditen e djeshme Kryesia e PD, konfirmoi djegien e mandateve, ndërsa pasditen e sotme vendimmarrja përfundimtare do të merret nga Këshilli Kombëtar i Partisë Demokratike.