Presidenti i Republikës, Ilir Meta ka zhvilluar një takim me ish-presidentin e Kroacisë, Ivo Josipoviç në vitet 2010-2015.
Në postimin e tij në Facebook, presidenti Meta shprehet se ka vlerësuar marrëdhëniet historike mes dy popujve.
Gjithashtu Meta vlerësoi rolin e Josipoviç në momentet e anëtarësimit të Kroacisë në Bashkimin Europian dhe angazhimin e saj në dobi të bashkëpunimit rajonal.
Postimi i plotë i Ilir Metës:
Një takim i përzemërt me Presidentin e Kroacisë në vitet 2010-2015, Prof.Dr. Ivo Josipoviç.
Vlerësova rolin e tij në momentet e anëtarësimit të Kroacisë në Bashkimin Europian dhe angazhimin e dëshmuar në dobi të europianizimit dhe bashkëpunimit rajonal.
Kënaqësi të ndanim të njëjtin qëndrim se marrëdhëniet e shkëlqyera, miqësore e historike mes dy vendeve e popujve tanë ekzistojnë falë edhe vullnetit e vizionit të përbashkët euroatlantik dhe dëshirës për intensifikimin e bashkëpunimit rajonal, përmes nismave gjithëpërfshirëse.
Faleminderit Profesor Josipoviç, që kontribuon me përkushtim për të ardhmen e shkëlqyer midis vendeve dhe popujve tanë.
Faleminderit Universitetit Mesdhetar të Shqipërisë dhe Universitetit të Arteve për mikpritjen dhe vlerësimin e këtij miku të shquar të vendit tonë.