Është lokalizuar vendndodhja e autorit të grabitjes së bankës së nivelit të dytë në Tepelenë.
Policia e Tepelenës vijon kërkimet për kapjen e autorit të grabitjes së një banke një ditë më parë.
Policia është vënë në ndjekje të tij, duke përdorur të gjitha format e metodat operacionale dhe hetimore për të bërë të mundur kapjen.
Në dispozicion të policisë është vënë edhe një helikopter.
Autori i dyshuar K.R 25 vjeç është lokalizuar në fshatin Mamaj, por më pas ka humbur gjurmët në luginë.
Autori mbante armë në dorë dhe nën kërcënimin e saj grabiti paratë e xhiros ditore që ndodheshin në arkë.
Punonjësit e bankës kanë mbetur të tronditur dhe nuk kanë dhënë asnjë sinjal alarmi për të lajmëruar policinë në kohë.
Ai ka qenë i vetëm gjatë grabitjes dhe është larguar me një “Benz” gri.
