Kandidati i opozitës për Bashkinë e Tiranës, Belind Këlliçi, dha një mesazh për mediat pasi votoi.
Ai u bëri thirrje qytetarëve për pjesëmarrje masive, duke theksuar se sot është dita e ndryshimit.
“Sapo kreva detyrën si qytetar, votova.
Ftoj të gjithë qytetarët e Tiranës të shkojnë në qendrat e votimit për të kryer detyrën e tyre si qytetarë.
Ftoj të rinjtë, ata mijëra e mijëra qytetarë që kam takuar dhe kemi folur për ndryshiin.
Sot është dita e madhe. Sot është 14 maji që kemi pritur aq shumë të gjithë.
Kam një apel sidomos për të rinjtë, për naçut e Tiranës, për të gjithë vajzat, djemtë që kanë një moment kur mendojnë se mund të ikin nga vendi. U them hajdeni votoni që të ndryshojmë qytetin.
Për të gjithë ato shpresa që janë shuar në këto tetë vite, dilni dhe votoni. Mos harroni, askush nuk u kontrollon votën.
Ftoj të gjithë qytetarët të votojnë me ndërgjegje të pastër, të votojnë për të ardhmen e tyre.
Dilni e votoni masivisht, sot është dita e ndryshimit. Dilni dhe votoni!” tha Këlliçi.
