Skuadra e Juventusit ka nisur përgatitjet për sezonin e ri, bardhezinjtë kanë udhëtuar drejt Shteteve të Bashkuara ku do të zhvillojnë një turne veror. Trajneri i Allegri ka folur lidhur me gjendjen e skuadrës duke thënë se:
“Juventusi është një skuadër që kërkon të arij çdo objektiv, këtë verë kanë ardhur lojtarë të rëndësishëm, disa me eksperiencë e disa të rinj. Kemi mbetur një vit pa trofe, për herë të parë pas 10 viteve, dhe kemi për detyrë të fitojmë titullin kampion”, tha trajneri në konferencën e parë amerikane.
“Di Maria dhe Pogba janë të jashtëzakonshëm, gjithashtu jam shumë i lumtur për afrimin e Bremer, ai është lojtar fizik dhe me karakteristikat që kërkonim. Nuk ka shumë lojtarë në qarkullim të këtij niveli dhe klubi u tregua i aftë që të zëvendësonte menjëherë De Ligt. Jam i kënaqur, por tani nisin ndeshjet dhe vetëm një muaj na ndan nga fillimi i sezonit”, deklaroi Allegri.
