Ministrja e Shëndetësisë, Ogerta Manastirliu ka postuar ditën e sotme një foto me mjekun e njohur Tritan Kalo.
Duke vlerësuar kontributin e tij si pjesë e Komitetit Teknik të Ekspertëve, Manastirliu shprehet se kafet e punës me Kalon kanë qenë periodike gjatë periudhës së pandemisë.
“Një kafe pune me Prof. Tritan Kalon, që prej shumë kohësh i kemi periodike, për të ndarë mendime e këshilla.
Mirënjohje për kontributin e tij të vlefshëm në Komitetin Teknik të Ekspertëve, përgjatë një viti sfidues dhe aspak të lehtë të përballjes me pandeminë Covid19.
Prof. Kalo do vazhdojë të japë kontributin e tij në shërbim të pacientëve, si gjithmonë me profesionalizmin dhe ndjenjën e lartë të përgjegjësisë.
Bashkë kemi një thirrje: Ju lutemi zbatoni masat.
Dhe në fund po ia huazoj me leje Prof. Kalos, atë shprehjen që përdor gjithmonë: “Together Forever”,” shkruan Manastirliu.
Ditën e sotme, mjeku i sëmundjeve infektive, Tritan Kalo njoftoi se është larguar nga Komiteti i Ekspertëve, duke qenë se politika ia doli edhe këtë herë të përçajë mjekët.
