Ditën e hënë në të gjithë vendit do të pezullohet transporti ndërqytetas. Përfaqësues të shoqatës kombëtare të Transportit Ndërqytetas i kanë rikujtuar ministres Belinda Balluku që të reagojë sa më parë në lidhje me kërkesat e tyre.
Operatorët kërkojnë që të krijohen stacione të ndërmjetme mbi bazen e marrëveshjeve midis operatorëve, të luftohet konkurrenca e pandershme dhe të pezullohen gjobat e vëna padrejtësisht.
Përfaqësuesit e shoqatës Kombëtare të transportit ndërqytetas, Leonard Shanaj dhe Eneo Sulejmanaj i kanë dorëzuar ministres 10 ditë më parë kërkesat e tyre në mënyrë zyrtare dhe i kanë lënë afat deri në 15 prill por edhe pse jemi vetëm një ditë para Ministrja e Infrastrukturës dhe Energjisë, Belinda Balluku nuk ka kthyer asnjë përgjigje duke rrezikuar në këtë mënyrë që të paralizojë të gjithë transportin ndërqytetas në vend.