Presidenti Trump tha se ai ka një “marrëdhënie të shkëlqyer” me kurdët në Sirinë Veriore, “dhe se ne kemi luftuar me ta, me shumë sukses kundër ISIS”.
Ai gjithashtu tha se edhe presidenti turk Rexhep Tajip Erdogan, “ka një marrëdhënie të shkëlqyer me kurdët”, raporton CNN.
“Shumë kurd jetojnë në Turqi dhe ata janë të lumtur dhe janë kujdesur për të,” tha Presidenti, duke qëndruar krah për krah me Erdogan.
Ai tha se gjithçka që mund të thuhet në të kundërtën është “me të vërtetë një lajthitje”.
Nga ana e tij, Erdogan tha se nuk ishin kurdët me të cilët kishte një problem, por ishin terroristët.
“Pjesa ime politike, ka më shumë se 50 deputetë kundërshtarë kurd në parlamentin turk,” tha ai përmes një përkthyesi. “Ne thjesht po luftojmë terroristët, gjatë kësaj periudhe. Ata nuk kanë një etni, nuk kanë kombësi, nuk kanë një flamur. ”
Forcat Demokratike Siriane (SDF), të cilët veprojnë në Sirinë Veriore, udhëhiqen nga Njësitë e Mbrojtjes së Popullit kurd (YPG), të cilat Turqia e konsideron një organizatë terroriste të lidhur me Partinë e Punëtorëve të Kurdistanit (PKK).
