Këngëtarja Jonida Maliqi, është shumë aktive në rrjetet sociale, ku ajo shpesh ka ndarë foto me ndjekësit e saj, nga jeta e përditshme si dhe profesionale.
Së fundmi; Jonida ka postuar një foto me djalin e saj, ku shihet që e ka puthur në buzë.
Dashuri e pakushtëzuar që të ringjallë çdo ditë e më shumë”, ka shkruar Jonida krahas fotos.
Por një gjë e tillë nuk është pritur mirë nga ndjekësit e saj, të cilët e kanë kritikuar veprimin e këngëtares.
“Të puthësh fëmijën në buzë është kthyer në modë. Personalisht s’më duket e këndshme,” ka shkruar një ndjekëse.
Këngëtarja nuk ka ka nguruar në kthimin e përgjigjes ndjekëses së saj.
Çlidhje ka moda me dashurinë nëse ti e ke problem, është punë për ty. Edhe këtu pretendoni të keni akses? Merruni me gjëra më të rëndësishme në jetë, se jeni dendur nga negativiteti që kërkoni domosdoshmërisht, ta gjeni në çdo vend edhe atje ku nuk ju takon. Javë të mbarë”, ka shkruar Jonida.
