Është gjetur trupi i pajetë i futbollistes shqiptare që u mbyt në liqenin Komo të Italisë.
Florjana Ismaili, kapitenja e Kombëtares Zvicerane të futbollit për femra është gjetur nën një thellësi 204 metra në Liqenin e Komos.
Pas tre ditësh kërkimi trupi i 24-vjeçares u gjet falë ndihmës së robotëve nënujorë vetëm pak metra larg vendit të zhdukjes,
Robotët morën trupin duke e çuar deri në thellësinë 20 metra nën ujë dhe më pas polumbarët ekspertë e nxorrën nga uji.
Tragjedia ndodhi ditën e shtunë, 29 qershor, kur 24 vjeçarja shqiptare së bashku me një mikeshën e saj kishin marrë me qira një barkë turistike për të lundruar në Liqenin e Komos.
Disa dhjetëra metra larg bregut dy mikeshat janë zhytur për t’u larë por Florjana u zhduk nën ujë.
Florjana Isamili ka lindur në Zvicër në komunën Walperswill në provincën e Bernas dhe është vajza e një familje kosovare.
