Ish-kandidatja për kryetare në PD, Edith Harxhi e cilëson “Foltoren” e Sali Berishës me të rinjtë dhe të rejat demokratë si “foltoren më të bukur të Shqipërisë me të rinjtë”.
Harxhi thotë se të rinjtë janë shpresa tonë e munguar, ndërsa shton se sot “duhet të jetë ditë e rëndë për Edi Ramën dhe Lulzim Bashën”.
Reagimi i plotë i Harxhit në rrjetet sociale:
Duke parë Foltoren më të bukur të Shqipërisë me të rinjtë e Shqipërisë mu kujtua Lëvizja Studentore e vitin 1990 kur u ngritëm fuqishëm për të rrëzuar rregjimin më të egër diktatorial në Europë.
Kjo ngjarje sot më ka mbushur me shpresë dhe energji pozitive sepse çfardo që të bëjë Edi Rama për ti larguar këta të rinj nga Shqipëria, ata përsëri e gjejnë shpresën tek e djathta shqiptare që do të rimëkëmbet me shpejtësi. Kjo duhet të jetë ditë e rëndë sot për Edi Ramën dhe Lulzim Bashën.
Unë jam këta të rinj sot! Këta janë shpresa jonë e munguar gjithë këto vite.Ta bëjmë PD shpresëdhënëse përsëri!
