Reforma në drejtësi është shndërruar në një xhaketë me arna.
Kështu shprehet nënkryetari i LSI, Petrit Vasili përmes një reagimi të gjatë në Facebook.
Sipas tij, Euralius propozon që edhe Gjykata e Lartë të klonohet si zgjedhja e Prokurores së Përgjithshme të Përkohshme, Arta Marku.
“Si një anëtar i komisionit të reformës në drejtësi kujtoj insistimin thuajse maniakal të Grupit të Ekspertëve të Nivelit të Lartë të mbështetur fuqimisht, bile deri në tepri, nga Euralius pa futur detaje dhe afate deri edhe në Kushtetutë me shkakun, që askush të mos ketë hapësirë për të interpretuar në mënyrë që të kishim një zbatim rigoroz dhe pa asnjë devijim të ndryshimeve kushtetuese të 21-22 korrikut 2016”, shkruan Vasili.
Postimi i plotë i Petrit Vasilit:
Zhbehet reforma, prap Euralius propozon, qe edhe Gjykata e Larte te klonohet si zgjedhja e Arta Markut.
Reforma ne drejtesi per fat te keq tashme eshte shnderuar ne nje xhakete teresisht me arna dhe ato jane aq te shumta sa nuk dallohet dot më se si ka qene xhaketa origjinale.
Rrezimi i te gjitha parashikimeve kushtetuese si dhe afateve gjithashtu kushtetuese ne implementimin e reformes dhe sajimi ne vend te tyre i zgjidhjeve antikushtetuese dhe antiligjore jane alibi per kapjen evidente te drejtesise nga Edi Rama.
Si nje anetar i komisionit te reformes ne drejtesi kujtoj insistimin thuajse maniakal te Grupit te Eksperteve te Nivelit te Larte te mbeshtur fuqimisht,bile deri ne tepri, nga Euralius per futur detaje dhe afate deri edhe ne Kushtetute me shkakun,qe askush te mos kete hapesire per te interpretuar ne menyre qe te kishim nje zbatim rigoroz dhe pa asnje devijim te ndryshimeve kushtetuese te 21-22 korrikut 2016.
Por zgjedhja antikushtetuese skandaloze e Arta Markut e propozuar nga Euralius hodhi ne ere principialitetin e reformes dhe kesisoj edhe themelin ligjor dhe per me keq akoma ate moral.
Ne vend,qe ky te ishte nje mesim i madh shume negativ per te mos u perseritur kurre më,perkundrazi u kuptua qarte qe ky ishte nje hap ne rrugen e Kapjes se drejtesise nga Rilindja.
Euralius duke u vendosur ne rolin e protagonistit dhe propozuesit te zgjidhjeve antikushtetuese tanime edhe per Gjykaten e Larte mori rolin e bashkepergjegjesit ne kapjen e reformes nga rilindja.
Dhenia edhe per Gjykaten e Larte te nje zgjidhje analoge me ate te Arta Markut eshte nje prove e re e nje abuzimi skandaloz,qe dhunon Kushtetuten ne vend te zbatimit shembullor te saj.
Sebepi spekullativ i emergjences e ben kete Reforme ne Drejtesi sot njelloj si reformen e Plepave dje.
Ndryshimet kushtetuese 100% konsensuale te 21-22 korrikut po zhbehen thuajse totalisht dhe Kapjereforma e ka zaptuar Reformen.
Megjithate lexoni vete cfare rekomandimi ka propozuar EURALIUS 5 per Gjykaten e Larte :
“Me qëllim që të kalohet kjo periudhë tranzitore, ndërkohë që procesi i ngritjes në detyrë dhe i emërimit në Gjykatën e Lartë nuk ka përfunduar ende, KLGJ-ja mund të konsiderojë të përdorë skemën e delegimit dhe caktimin e gjyqtarëve të përkohshëm në Gjykatën e Lartë. Përveç kësaj, nëse në skemën e delegimit nuk ka magjistratë të përshtatshëm që plotësojnë kushtet për në Gjykatën e Lartë, atëherë referimi tek Neni 46 i Ligjit për Statusin do të ishte i argumentuar dhe i mundshëm, duke transferuar për një afat të përkohshëm, dhe me pëlqimin e tyre në Gjykatën e Lartë, gjyqtarë me performancë shumë të mirë profesionale”.
Pra esenca e propozimit eshte: hajde delegojme gjyqtare per Gjykaten e Larte,duke shkelur kushtetuten dhe ligjin,por duke i sherbyer Kapjes rilindase te drejtesise.
