Vetëdorzimi i Balilit/ Reagon Rama: Arrestimi i tij meritë e Lleshajt dhe SHISH

0
10

Kryeministri Edi Rama ka reaguar menjëherë pas vetëdorëzimit të Klement Balilit, i cili ishte në kërkim për gati 2 vite e gjysmë nën akuzën e trafikut ndërkombëtar të drogës. Përmes një postimi në ‘Twitter’ ai tha se ky ishte një hap i madh kundër krimit të organizuar. Po ashtu kreu i qeverisë uroi për këtë rezultat ministrin e Brendshëm Sandër Lleshajn, Policinë e Shtetit dhe SHISH.

“Klement Balili prapa hekurave një hap i madh përpara në luftën kundër krimit të organizuar dhe një përgjigje kuptimplotë, për të gjithë qentë që lehin, ndërkohë që karvani do të ecë me vendosmëri përpara👊 Urime për këtë rezultat Ministrit Lleshi, Policisë së Shtetit dhe SHISH👍”, shkruan Rama.