Partia Demokratike ka dorëzuar sot në Kuvend projektligjin me disa ndryshime kushtetuese që lidhen me Vettingun e politikanëve, ku propozon që të përjashtohen nga e drejta e për t’u zgjedhur shtetasit që janë dënuar me burgim, me vendim përfundimtar të formës së prerë, për kryerjen e një krimi, ose shtetasit që kanë kontakte të papërshtatshme me persona të përfshirë në krimin e organizuar, ose pasuri të pajustifikuar ligjërisht.
Gjithashtu në projektligjin e PD thuhet që duhet t’u kontrollohet pasuria të gjithë politikanëve, së bashku me Guvernatorin e Bankës së Shqipërisë, Avokatin e Popullit, Kreun e KLSH-së dhe Drejtorin e SHISH.
Por deputeti socialist Erion Braçe ka ironizuar kërkesën e PD-së, pasi shprehet se në të gjithë dokumentin, nuk ka asnjë rresht për kriterin: Politikanë të shpallur “non grata”, duke iu referuar ish-kryeministrit Sali Berisha.
Postimi i Erion Braçes:
#VETING PER POLITIKANET?
HË MË JO?
Gjithe ato germa e gjithe ato rreshta, gjithe ai grup uristesh te shke..lqyer dhe;
ASNJE GERME E ASNJE RRESHT PER KRITERIN: POLITIKANE TE SHPALLUR NON GRATA NGA SHBA!!
Po si ka mundesi? Se kjo eshte e thjeshte e gatshme!
Ka nje rast;
Kur je bul dhe vazhdon lojen luftash!
