Disa pamje të Erdogan, ku shihet në gjendje të lodhur fizike i pamundur të flasë dhe të mbajë sytë hapur, është shpërndarë masivisht në rrjete sociale. Ai ka mbajtur një fjalim me zyrtarët e partisë së tij, mirëpo ka qenë në një gjendje siç nuk jemi mësuar ta shohim.
I rraskapitur, me zor flet dhe tenton me forcë t’i mbajë sytë hapur. Mediat pro-qeveritare kanë hedhur akuza ndaj medias Anadolu e cila ka shpërndarë pamjet e Erdogan, duke thënë se nuk kanë mbrojtur imazhin e liderit të vendit, duke baltosur kështu dhe vetë Turqinë si shtet.
Fatih Altaygli la të kuptohet se një person shumë i afërt me Erdogan kishte lejuar që presidenti turk të ekspozohej në publik.
“Transmetimi i këtyre imazheve është një turp i vërtetë. Kjo tregon qartë se dikush shumë i afërt me Presidentin po përpiqet ta vendosë Presidentin në një pozitë të vështirë, duke u përpjekur ta bëjë atë të duket i dobët”, tha ai.
Duke iu përgjigjur kritikave, kryeredaktori i Anadolu, Yusuf Ozhan tha se agjencia transmetoi intervistën e Erdogan drejtpërdrejt në kanalin e presidencës turke, kështu që ajo nuk mund të redaktohej.
Çështja e shëndetit të Erdogan është thuasje një “tabu” në Turqi. Shkurtin e kaluar, një video tjetër e tregonte duke ecur me vështirësi shkaktoi përsëri zhurmë në vend.
أردوغان قبل قليل، شارب أيه ده ؟ 🍺 pic.twitter.com/boElTA5Uh6
— شؤون تركية (@TurkeyAffairs) July 21, 2021
