Vokshi: Ja ilaçet që mungojnë në të gjitha farmacitë

0
13
Zjarr Televizion Ad This is a sample article. ...

Ish-deputetja e PD, Albana Vokshi, ka deklaruar se prej muajsh shëndetësisë sonë i mungon serumi anti-tetanik.
Duke e cilësuar këtë një skandal, Vokshi shkruan në “Facebook” bëhet fjalë për barna elementare, jo të shtrenjta, por të domosdoshme, që duhet të ishin me shumicë në farmaci dhe spitale. Sipas saj, nuk ka pasur importe të serumit anti-viper që prej një viti,
Reagimi i plotë i Vokshit:
SKANDALI! #Mungon prej shumë muajsh serumi anti-tetanik (ose në gjuhën popullore serumi kunder #tetanozit) dhe serumi #anti-viper (ose ndryshe serumi që përdoret ndaj pickimit nga gjarpri).
Emisioni Fiks Fare i dt 10 korrik, ka zbuluar një tjetër skandal me mungesën e barnave. Nuk bëhet fjalë për barnat e shtrenjta. Përfitimet me tenderat e barnave të shtrenjta janë shumë të mëdhaja, ndaj Ministria nuk përton e nuk harron që t’i bëjë. Por bëhet fjalë për barna elementare, jo të shtrenjta, por të domosdoshme, që duhet të gjendeshin me shumicë në farmacite private por edhe në spitale. Në pothuajse asnjë farmaci në gjithë Shqipërinë si dhe në spitale nuk gjen serumin anti-tetanik dhe anti-viper.
Me informacionet që kemi mundur të sigurojmë, nuk ka pasur importe të serumit anti – viper që prej një viti. Edhe serumi antitetanik i importuar me pioarore për furnizimin e qendrave shëndetësore dhe spitaleve ka firuar menjëherë duke u shitur në të zezë. Sidomos në periudhë vere, rreziku nga tetanozi dhe pickimet nga gjarpërinjtë është shumë i lartë. Kjo sjellje korruptive e Qeverisë, mund t’i kushtojë shtrenjtë qytetarëve shqiptarë. #ShëndetësiaFalas#VuajtjeFalasPërShqiptarët

Zjarr Tv Ad