Vr.as.ja misterioze në Dukagjin, 55-vjeçari dyshohet se u ekzekutua nga djali i xhaxhait

0
43

Një ditë pas vrasjes misterioze të 55-vjeçarit, Lazër Arraj në fshatin Palaj të Dukagjinit policia tashmë e ka një autor të dyshuar për krimin. Në pranga ka rënë djali i xhaxhait të viktimës Marash Arraj.

Lazër Arraj, i njohur në zonë edhe me mbiemrin Pjetrushi, u gjet i vrarë me armë zjarri mesditën e të hënës (21 tetor) në fshatin Palaj të njësisë administrative të Shoshit në Dukagjin.

Dy herë është qëlluar me armë zjarri në drejtim të tij ndërsa po largohej nga fshati për t’u kthyer në Shkodër, aty ku jetonte prej vitesh me familjen e tij.

Viktima kishte shkuar në malësinë e Dukagjinit si çdo prag dimri, për të marrë prodhimet e fundit që i shërbejnë për muajt e ftohtë të vitit, por nuk arriti të kthehej i gjallë në shtëpi.