“Do ta ndihmojmë popullin tonë në Kosovë sado që mundemi, ndërsa prej bashkësisë ndërkombëtare nuk pres asgjë”, ka deklaruar sot presidenti i Serbisë Aleksandar Vuçiq.
“Serbët e Kosovës do t’i ndihmojë shteti, ndërsa prej bashkësisë ndërkombëtare nuk presim asgjë me rastin e vështirësimit të furnizimit të popullit tonë në Kosovë, sepse për ta gjithmonë dhe në çdo situatë ne jemi fajtorë, vetëm se nuk duam ta njohim pavarësinë e Kosovës”, ka thënë Vuçiq.
“Prandaj duhet të mbështetemi në forcat tona dhe shteti do të sheh se si do ta ndihmojë popullin e vet në Kosovë në këtë situatë të vështirë”, ka shtuar ai.
Vuçiq gjithashtu ka theksuar se “ky është problem serioz dhe se me këtë do të merret shteti dhe do të sheh se si mund ta ndihmojë popullin e vet në një situatë jashtëzakonisht të rëndë dhe të ndërlikuar”.
“Do të shohim se sa dhe në cilën mënyrë mund t’i ndihmojmë serbët dhe në këtë do të punojmë edhe më tutje”, ka përfunduar Vuçiq.
