Vuçiç: Nuk mund ta mbajmë konfliktin e ngrirë me Kosovën

0
15
Zjarr Televizion Ad This is a sample article. ...

Presidenti serb, Aleksandar Vuçiç, ka thënë se është koha që  të fillohet të mendohet për njerëzit, duke mbrojtur interesat e tyre dhe për të fituar sa më shumë të jetë e mundur, por  shtoi se mashtrohet kushdo që mendon se është e mundur të mbahet konflikt i ngrirë me Kosovën.

“Jam i dëshpëruar në qoftë se njerëzit nuk duan ta kuptojnë, por unë këtë nuk mund ta ndryshoj, siç nuk do ta ndryshoj politikën që është racionale, serioze dhe e përgjegjshme, dhe që po sjell rezultate të mira për Serbinë”, ka thënë Vuçiç.

Siç raportojnë mediat serbe, Vuçiç deklaroi kështu, duke u përgjigjur në pyetjen se cili është  kompromisi ndërmjet Beogradit dhe Prishtinës, që do të jetë i pranueshëm në Gjermani, cila vlerëson përpjekjen tonë për të arritur një kompromis, dhe e cila e ka njohur tashmë Kosovën brenda kufijve ekzistues.

Vuçiçi rikujtoi se jo vetëm Gjermania, por 22 nga 27 vendet anëtare të BE-së tashmë e kanë njohur pavarësinë e Kosovës brenda kufijve të saj, përcjell Telegrafi.

“Ndonjëherë  rrallë e kujtojmë këtë, sepse nganjëherë do të harronim edhe për botën, pastaj 20 minuta më vonë do të jemi pjesë e botës dhe shpesh po largohemi nga realiteti. Unë besoj se Gjermania do të përkujdeset jo vetëm për dialog, por edhe për arritjen e një zgjidhjeje kompromisi. A do të kemi sukses,  mbetet të shihet”, tha ai shpjegoi.

Vuçiç tha se ai u përpoq gjatë gjithë këtyre viteve, duke u kujdesur për të rinjtë, të ruajë  paqen dhe stabilitetin, për të treguar se nuk është e mundur të mbahet konflikti i ngrirë.

“Ekzistojnë interesa të palëve të tjera, interesave të shqiptarëve, por edhe shumë fuqive të mëdha që nuk duan zgjidhjen e problemit. Ka nga ata që thonë se duan përfundimisht duan shtetin e tyre dhe janë gati të paguajnë çfarëdo çmimi. I pyes qytetarët  e Serbisë: cili është çmimi të cilin jemi të gatshëm ta paguajmë? Sa kemi paguar në të kaluarën për një politikë të gabuar? Është koha të mendojmë për njerëzit, sigurisht duke mbrojtur interesat tona dhe duke fituar më shumë të jetë e mundur”, tha ai.

Ai e ka përgëzuar Shkupin dhe Athinën për Marrëveshjen e Prespës, por tha se “problemet tona në raport me Prishtinën janë njëqindfish më të vështira dhe këto çështje nuk mund të krahasohen këto çështje”.

 

Zjarr Tv Ad