Vuçiç: Pa Listën Serbe nuk ka qeveri në Kosovë

0
24

Presidenti i Serbisë, Aleksandër Vuçiç ka thënë se pa Listën Serbe nuk do të ketë qeveri në Kosovë. Duke komentuar faktin që qeveria nuk është formuar ende në Prishtinë, Vuçiç ka thënë se “është e rëndësishme që Lista Serbe të jetë unike dhe është e qartë se pa ta nuk ka qeveri në Kosovë”, ka thënë Vuçiç.

Ai ka thënë se kërkesa kyçe e Listës Serbe përveç sigurisë së serbëve është edhe heqja e taksës.

“Do të thoshte normalizim i jetës dhe padyshim rezultate ekonomike më të mira. Nëse nuk do të kishin tarifa ne do të ishim shteti i dytë ose i tretë me rritjen ekonomike, për këtë arsye jemi në vendin e gjashtë. Shpresoj që kjo qeveri të formohet”, ka thënë Vuçiç për Rts.