Në kuadër të 8 Marsit në Tiranë janë zhvilluar disa aktivitete ndërgjegjësuese. Woman Can sjell historinë e 51 grave të suksesshme ndërsa Ambasada Italiane mbajti një tryezë diskutimi për barazinë gjinore.
Dita ndërkombëtare e gruas është përkujtuar edhe përmes një sërë aktivitetesh ndërgjegjësuese. Woman Can, Vajzat për Shqipërinë solli në vëmendje 51histori suksesi të grave të panjohura.
Edlira Gjoni, autore Woman Can: Kam mbledhur vajzat dhe gratë e Shqipërisë për të folur për vlerat. Se flasim vetëm për dhunën dhe për gjërat e këqija ose glorifikojmë showbizin dhe median, por nuk flasim gratë e thjeshta. Janë 1.5 mln gra në Shqipëri që kanë vlera dhe unë sot flas për to.
Barazia gjinore ishte temë e diskutimit në kuadër të 8 Marsit në ambasadën Italiane.
“Nuk është vetëm dita e grave, është dita e të gjithëve dhe burrat duhet të jenë të vëmendshëm për kuptimin dhe rëndësinë e kësaj ditë. Është detyra jona ta marrim seriozisht këtë ditë të rëndësishëm dhe të reflektojmë sesa mirë do të ishte bota nëse do të kishim barazi gjinore që për fat të keq nuk e kemi.”
Ish-deputetja Klajda Gjosha theksoi vështirësitë që hasin gratë në politikë por edhe në zonat rurale.
Ndërsa Elona Gjebra, deputete e Partisë Socialiste tha se mbetet ende punë për forcimin e kuadrit ligjor që mbron të drejtat e grave.
