Ambasadorja e SHBA në Tiranë, Yuri Kim, duke folur në konferencën “Votimi nga jashtë vendit, koha është tani”, është ndalur edhe tek zgjedhjet e 25 prillit.
Gjatë fjalës së saj, ambasadorja Kim, theksoi se zgjedhjet e kaluara ishin të mira, por jo perfekte.
“Zgjedhjet parlamentare të 2021 shënuan një ngjarje vendimtare që ishte rikthimi i opozitës në Kuvend.
Zgjedhjet e 25 prillit ishin të mira, por nuk ishin perfektë. Të gjithë e dinë këtë. SHBA mirëpresin takime të tilla për të adresuar problemet në zgjedhje, përfshirë edhe mungesën e diasporës për të votuar. Ne nxisim punën dy partiake që zgjedhjet e ardhshme të përmbushin standardet.
Pavarësisht dallimeve, SHBA do vazhdojnë të mbështesin fuqishëm reformat, qoftë ato zgjedhore apo të drejtësisë“-tha Yuri Kim
